Jan Kodeš

Vun Wikipedia
Wesseln na: Navigatschoon, Söök

Jan Kodeš (* 1. März 1946 in Prag) is en ehmalger tschechoslowaaksch Tennisspeler.

To Anfang vun de 1970er Johren hett he dree Grand-Slam-Turniere wunnen.

Kodeš sien eerst groot Triumph weer up den Aschenplatz vun Roland Garros in Paris bi de French Open. He wunn dor 1970, as he Željko Franulović 6:2, 6:4 un 6:0 slahn dee. In dat folgen Johr hett he sien Titel gegen Ilie Năstase verteedigt, ehe he 1973 up Gras in Wimbledon wunn. In’t Halffinale wunn he dorbi gegen Roger Taylor un in’t Finale kunn he sück denn gegen Aleksandre Metreweli dörsetten. Kodeš kunn disse Siege in Paris un Wimbledon nich wedderhalen, bi de Australian Open is he nie nich antreden. Bi de US Open in New York stunn he in de Johren 1971 un 1973 jeweils in’t Finale, verlor dor aber gegen Stan Smith bzw. John Newcombe.

Sien hööchste Ranglistenplatzeeren weer Positschoon 4 in’ September 1973. All tosommen hett he acht Eenzel un 17 Düppeltitel wunnen.

1990 wurr he in de International Tennis Hall of Fame upnommen.

Weblenken[ännern | Bornkood ännern]