Jacques Lucien Monod

Vun Wikipedia
Wesseln na: Navigatschoon, Söök
Jacques Monod

Jacques Lucien Monod (* 9. Februar 1910 in Paris; † 31. Mai 1976 in Cannes) weer en franzöösch Biochemiker.

Leven[ännern | Bornkood ännern]

Monod weer de Söhn vun en franzööschen Maler vun hugenottisch Afstammen, Lucien Hector Monod un de sien amerikaansch Ehefru ut Milwaukee. 1917 leet sück de Familie in Süüdfrankriek daal. Dor Monod dat Gymnasium in Cannes besöcht un gung 1928 mit 18 Jahren nah Paris torüch.

Wiels sien Studium weern George Teissier, André Lwoff, Boris Ephrussi un Louis Rapkine sien Lehrer. 1931 hett Monod sien Studium afslooten un gung för eenig Tiet an dat Californian Institute of Technology (later Caltech). Mit en Stipendium vun de Rockefeller-Stiftung kunn Monod sien Upenholt in Kalifornien wat verlängern.

1938 weer he weer in Paris un hett de Archäologin un Orientalistin Odette Bruhl heiraadt. Mit hör harr he twee Söhns Olivier Monod un Philippe Monod. 1949 hett he de Monod-Kinetik entwickelt, en mathematisch Modell to dat Vörherseggen vun dat Wasdom vun Zellen in Afhängigkeit vun de Konzentratschoon vun bestimmt Substrate.

1959 nehm Monod en Roop an de Sorbonne an, un 1967 wessel he an dat Collège de France. Vun der Rockefeller University in New York kreeg Monod 1970 den Ehrendoktertitel. 1971 wurr he to'n Direkter vun dat Institut Pasteur beropen.

Wiels disse Johren hett Monod tosommen mit François Jacob dat Operon-Modell entwickelt. Dat beschrifft den Upbau vun prokaryotisch Gene un verkloort, wu deren Aktivität reguleert wurrd (Genregulatschoon). 1965 kreeg he dorför gemeensam mit Jacob un André Lwoff den Nobelpries för Physiologie oder Medizin.

In dat Öller vun 66 Johren is Jacques Monod an' 31. Mai 1976 storven. He wurr up den Cimetière du Grand Jas in Cannes besett.

Hüm to Ehren drocht en Institut an dat CNRS den Naam Institut Jacques Monod (IJM).[1] Zu Ehren vun de beid Opdecker wurrd dat Operon-Modell to de Genregulatschoon ok as Jacob-Monod-Modell betekent.

Ehrungen[ännern | Bornkood ännern]

Schriften[ännern | Bornkood ännern]

Enkeld Nahwiesen[ännern | Bornkood ännern]

  1. Institut Jacques Monod (IJM)

Weblenken[ännern | Bornkood ännern]

Commons-logo.svg Jacques Monod. Mehr Biller, Videos oder Audiodateien to’t Thema gifft dat bi Wikimedia Commons.