Idiomorph

Vun Wikipedia
Wesseln na: Navigatschoon, Söök
Idiomorphe Quarzkristallen.

Idiomorph (vun’t gr. ídios „eigen“ morphé „Gestalt“) is en Beteken in de Mineralogie, womit en Mineral beschreven warrt, dat sien egene Gestalt vullstännig utbillt hett, d.h. dat goot utprägte Kristallflachen un en charakteristische Geometrie opwiesen deit.

De Egengestalt vun en Mineral hangt direkt vun sien kristallograafsche Struktur af. Idiomorphe Mineralen entstaht, wenn se bi’t Wassen nich vun’n Ruum her inengt sünd un sik free utbreden künnt. Bispelen sünd Kluftmineralen, de in Hollrüüm vun Stenen wasst, oder fröh ut en Steensmölt (Magma) kristalliseerend Mineralen, de sik as Insprenglingen in vulkaansch Stenen wiest.

Dat Gegendeel vun idiomorph is xenomorph (frömdgestaltig). Mineralen, de blots to’n Deel egenstaltig utformt sünd, warrt as hypidiomorph betekent.