Hudson Custom Six
De Hudson Custom Six betekent en Reeg vun Sösszylinder-Automobilen, de de Hudson Motor Car Co. in Detroit van 1936 bit 1938 maakt hett. Dat weer de Nahfolger vun dat Modell Big Six vun dat Vörjohr un de priesgünstigste Modellreeg vun Hudson.
Dat Modell 63 harr en Radstand vun 3.048 mm un övernehm ansonsten de Daten vun dat Vörjohresmodell Big Six: Andreeven wurr he vun en Reegensösszylindermotor mit sietlich stahn Ventilen, 3.474 cm³ Hubruum (Bohrung × Hub = 76,2 mm × 127 mm) un en Leistung vun 93 bhp (68,4 kW) bei 3.800/min. Optschonal weer ok en Utführung mit 100 bhp (74 kW) bi 3.800/min. verfügbar. Över en Eenschieven-Öölbadkupplung wurr de Motorkraft an en Dreeganggedriev (mit Middelschaltung) un denn an de Achterrööd wiederleit. De hydraulischen Bremsen weern in dit Johr nee un hemm up all veer Rööd wirkt. En halfautomatisch Vörwahlgedriev weer as Sünnerutstattung leeferbar.
As bi de meesten anner Hudson-Modellen vun dissen Johrgang geev dat vörweegend 2-dörige Upbauten, aber ok en 4-dörig Limousine.
1937 wuss de Radstand bi dat Modell 73 um 2" up 3.099 mm. Nee weern in dat Johr ok de vörn anslahn Dören un de schmal, bit in de Motorhaube rintrucken Köhlergrill. De Motor schaff nu bi nich ännert Hubruum 101 bhp (75 kW) bi 4.000/min.
1938 wurrn de Fohrtüüch weer nee gestalt. Dat Modell 83 harr nu en Köhlergrill mit verchromt Middelripp un horizontalen Stäben to beid Sieden. Dat Modell 112 un de Terraplane hemm den Custom Six as priesgünstigst Modell aflöst.
In dat Folgejohr wurr de DeLuxe Six to Gunsten vun den beter utstatt Country Club Six instellt.
Weblinks[ännern | Bornkood ännern]
Borns[ännern | Bornkood ännern]
- Beverly R. Kimes (Hrsg.), Henry A. Clark: The Standard Catalog of American Cars 1805–1942. Krause Publications, 1985, ISBN 0-87341-045-9.