Honningsvåg

Vun Wikipedia
Wesseln na: Navigatschoon, Söök
Honningsvåg in Norwegen

Honningsvåg is en lütte Stadt in’n Noorden vun Norwegen bi de Koordinaten 70° 59' N, 26° 01' O. Se höört to de Kommun Nordkapp in’t Amt Finnmark. In de bedüdenden Fischereewahnsteed op dat Eiland Magerøya leevt ungefähr 3.500 Inwahners.

Honningsvåg is en Statschoon vun de Hurtigruten un is Utgangssteed för veele Touren na dat Noordkap, dat blots üm un bi 40 km wiet weg liggt. De Flaaghaven Valan, de dicht bi liggt, warrt butendem in’n Lienendeenst vun de Flaagsellschop Widerøe bedeent. Dormit kann dat Eiland an’t Noordkap ok mit’n Fleger anstüert warrn.

Siet de 1990er Johren gellt Honningsvåg as de nöördlichste Stadt vun de Welt, ofschoonst dat noch een poor Städer gifft, de noch ’n beten wat nöördlicher liggt, as t. B. Barrow (Alaska). Dat Stadtrecht hett Honningsvåg 1998 kregen, aver dat gifft en Afmaken twüschen de Stadt un Hammerfest, dat letztere ok wieterhen mit den Slogan „nöördlichst Stadt vun Europa“ Warf maken dröff. Honningsvåg warvt dorför mit dat Noordkap.

An’n End vun’n Tweeten Weltkrieg sünd all Öörd op dat Eiland Magerøya vun de Düütschen Wehrmacht vun wegen de vun Adolf Hitler anordent Politik vun de verbrennten Eer bit op de Kark vun 1884 kumplett tonichten maakt worrn.

Weblenken[ännern | Bornkood ännern]

Commons-logo.svg Honningsvåg. Mehr Biller, Videos oder Audiodateien to’t Thema gifft dat bi Wikimedia Commons.