Hohn

Vun Wikipedia
Wesseln na: Navigatschoon, Söök
Hahn
Höhner
Küken

Dat Hohn (pl. de Höhner, wetenschaplick Gallus gallus domesticus) höört to dat Geslecht Höhnervagels mit verscheden formten Huutkamm up ’n Kopp, twee Huutlappen an ’n Ünnersnavel un enen Spoor bi dat Heken. Dat Heken hett mehrstens buntere Feddern as dat Seken. De Höhner sünd Nestflüchters, dat heet, dat de Küken, kuum dat dat ut dat Ei utkrapen is, sik up ’n Padd maakt, un wat to freten söökt.

Dat Hohn is in ’n engern Sinn dat Seken, warrt ok Heen to seggt. Dat Heken warrt Hahn nöömt. Dat Seken heet Kluck, wenn dat Junge hett, un to disse Jungen seggt een Küken.

De Eier un dat Fleesch van de Höhner hebbt enen hogen Nährweert un sünd ene goot verdauliche Krankenkost. Darum warrt de Höhnertucht up de ganze Welt geern bedreven.

Fröher, dor weren de Höhner op ’n Mess un halen sik dor de Möörken to ’n Freten. Denn güng dat los mit de Legebatterien un de groten Ställ. Hüüt geiht dat wedder annersrüm, denn ok wenn en Hohn nich so plietsch is as en Papagei, denn is dat doch en Deert, dat wat mitkriggt. Un smecken deit en Hohn, wat free lopen kann un scharren, ok veel beter. Dat is ok bi de Eier so.

Uns Hohn stammt vun dat Bankivahohn af, wat ut Indonesien is.

Kiek ok bi[ännern | Bornkood ännern]


Weblenken[ännern | Bornkood ännern]

Commons-logo.svg Höhner. Mehr Biller, Videos oder Audiodateien to’t Thema gifft dat bi Wikimedia Commons.