Hjalmar Andersen

Vun Wikipedia
Wesseln na: Navigatschoon, Söök
Hjalmar Andersen to sien aktiv Tiet

Hjalmar Johan „Hjallis“ Andersen (* 12. März 1923 in Rødøy, Nordland; † 27. März 2013 in Oslo[1]) weer en norweegsch Iesflinklöper un Olympiawinner.

Loopbahn[ännern | Bornkood ännern]

Sien Dörbröök in’t Iesflinkloop reck Andersen, as he sück 1948 för de 1500 Meter för de norweegsch Mannschap för de Olympisch Spelen 1948 in St. Moritz qualifizeeren dee. Allerdings wurr he denn doch nich för de 1500-Meter Rennen nomineert, sonnern över 10.000 Meter. De 10.000 Meter-Loop wurr aber wegen de schlecht Iesverhältnisse afbraken.

Hjalmar Andersen in dat Johr 2010

Van 1950 bit 1952 weer Andersen de weltbest Iesflinklöper un wunn dreemal den Mehrkamp-Weltmeestertitel un ok de Europameesterschap. Dorto wunn he bi de Olympisch Spelen 1952 in Oslo över 1500 Meter, 5000 Meter un 10.000 Meter un dormit jeweils de Goldmedaille.

Nah de Olympisch Spelen in Oslo is he tonächst torüchtreden, um denn 1954 to de Europameesterschap, bi de he Sülver achter Boris Arsenjewitsch Schilkow wunn, weer torüchtokommen. Bi de Olympisch Spelen 1956 reck he den sössten Platz över 10.000 Meter un up de 5000 Meter-Streck keem he up Platz 11.

Wiels sien Loopbahn hett he fiev Weltrekorde upstellt un is as Eerst de 10.000 Meter ünner 17 Minüüt bleven.

Andersen führ de Adelsklenner tüschen 1952 un 1954 för 708 Daag an. Sien Hööchstwert bedroog 187,446 Punkte.

1952 wurr he Sportler vun dat Johr in Norwegen un wunn de eerstmals stift Fearnleys olympiske ærespris. 1949 harr he all de Morgenbladet-Goldmedaille kreegen.

Persönlich Besttieden[ännern | Bornkood ännern]

Streck Tiet Datum Oort
500 m 43,7 sek 13. Januar 1951 Trondheim
1000 m 1:30,6 min 2. Februar 1954 Davos
1500 m 2:16,4 min 6. Februar 1949 Davos
3000 m 4:49,6 min 30. Januar 1954 Davos
5000 m 8:06,5 min 29. Januar 1956 Misurinasee
10.000 m 16:32,6 min 10. Februar 1952 Hamar

Weblenken[ännern | Bornkood ännern]

Commons-logo.svg Hjalmar Andersen. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Hjalmar Andersen er død