Hilde Seipp

Vun Wikipedia

Hilde Seipp (* 28. Oktober 1909 in Berlin; † 4. November 1999 in Lelendaal bi Bremen) weer ’ne düütsche Bühnen- un Filmschauspelersche un Singersche.

Seipp weer de Dochter vun de Warkmeester Wilhelm Seipp un sien Fro Alma. An’n 22. Mai 1937 hett se in Berlin Jürgen Claus Eugen von Alten (1903 - 1994, Schauspeler, Dreihbookschriever un Filmspeelbaas) heiraat.

An’t Beginn vun ehr Karriere süng Hilde Seipp in Musikrevuen in’t Berlin vun de 1930er Johren. In de Revue Ein Kuß reist um die Welt mit Rudolf Platte un Aribert Mog na de Musik vun Josef Rixner harr se en eersten groten Spood. Se spröck in disse Tied ok de Stemm för annere Schauspelersches in de Toonfilmen na, so ok Pola Negri 1935 in den Film „Mazurka“. Peter Kreuder hett ehr ünner Verdrag nahmen, as se dormols in’n Berliner Opernchoor süng, üm de hogen Luden vun de Leder „Ich spür in mir“ un „Mazurka“ för de Negri to singen. Ofschoonst dat nich publiek maakt un ok nich in de Filmrezensionen seggt weer, weer ehr Naam in de Musikbranche bekannt. Dorbi keem se mit’t Filmgewarf in Kuntakt un kreeg nu ok Engagements as Schauspelerin.

In den Film Togger (1937) met Paul Hartmann un Renate Müller leer se ehrn Mann kennen. Na Heimweh (1937) mit Gustav Knuth un Carsta Löck unner de Regie vun ehrn Ehmann is se denn en breed Publikum bekannt warrn.

Na’n Krieg hett se blots noch in wenige Filmen mitmaakt.

Musiktitel (Utwahl)[ännern | Bornkood ännern]

  • Nachts, ging das Telefon
  • Ich bin in das Leben verliebt
  • Einst hast du geweint über mich (mit dat Rudi Schuricke-Terzett)
  • Sag, was du denkst, sag was du träumst (mit Iwan Petrovich)
  • Vor mir war eine
  • Heimweh
  • Das große Glück gesucht

Filmografie (Utwahl)[ännern | Bornkood ännern]

Johr Titel
1936 Guten Abend, gute Nacht
1937 Togger
1937 Heimweh
1938 Der betrogene Kalif
1938 Wer bist Du?, Kortfilm
1939 Die Brezel, Kortfilm
1944 Es lebe die Liebe
1950 Die Sterne lügen nicht

Weblenks[ännern | Bornkood ännern]