Hilarius (Paapst)

Vun Wikipedia
Wesseln na: Navigatschoon, Söök
Hilarius, Dorstellen in de Schedelsche Weltchronik van 1493.

Hilarius, ok Hilarus, († 28. Februar? 468), Hilliger, weer Patriarch vun Rom van 461 bit 468.

Leven un Verehrung[ännern | Bornkood ännern]

De Sarde Hilarius wurr wohrschienlich an' 17. November 461 to'n Bischop wählt, an' 19. November to'n Bischop weeht un is an' 28. Februar (?) 468 storven. Nah en afwieken Upfaaten düer sien Pontifikat van' 13. November 461 bit to'n 29. Februar 468. Sien Naam bedüüd ‚de Heitere‘. As Arzdiakon ünner Leo den Grooten hett he düütlich de Verdammung vun Flavianus vun Konstantinopel up dat Latrocinium Ephesinum (Konzil vun Ephesos) 449 bekämpt.

As Paapst hett he de Politik vun sien Vörgänger fortsett, indem he de Herrschap vun dat Röömsch Episkopat över dat südliche Gallien fordern dee. De spaansch Kark hett he Gesetten verordnet. De Liber Pontificalis priest hüm för sien Gaben an de röömsch Karken un Klöster. Betrucken up sien Umgang mit de Ostkark is en Dekretale erhollen, in de he Häresien veroordeelen, de Primat vun Rom betonen un de Beslüsse vun de Konzilien vun Nicäa in dat Johr 325 un Chalkedon in dat Johr 451 bekräftigen dee. In Italien hett he sück gegen dat Utbreeden vun den Arianismus richt. In sien Amtszeit fallt en Synode in de Basilika Santa Maria Maggiore in dat Johr 465; dat is de eerste röömsch Synode, vun de umfaatend Dokumente erhollen bleven sünd.

Sien Gedenkdag is in de kathoolsch Kark de 29. Februar.

Literatur[ännern | Bornkood ännern]

  • Friedrich Wilhelm Bautz: Hilarius. In: Biographisch-Bibliographisches Kirchenlexikon (BBKL). Band 2, Bautz, Hamm 1990, ISBN 3-88309-032-8, Sp. 840.

Weblenken[ännern | Bornkood ännern]

Commons-logo.svg Saint Hilarius. Mehr Biller, Videos oder Audiodateien to’t Thema gifft dat bi Wikimedia Commons.
Vörgänger Amt Nafolger
Leo I. (Paapst) Paapst
461 - 468
Simplicius