Henry Edward Bird

Vun Wikipedia
Wesseln na: Navigatschoon, Söök
Henry Edward Bird 1877

Henry Edward Bird (* 14. Juli 1830 in Portsea, Hampshire; † 11. April 1908 in London) weer en vun de beste engelsch Schachspeler in dat 19. Johrhunnert.

He hett an dat eerste Schachturnier ut de Neetiet in London 1851 deelnommen, flog aber alll glieks in de eerste Ronde rut. Ok Wettkämpe tegen Wilhelm Steinitz (1867) un Emanuel Lasker (1890 un 1892) hett he verloren, weer aber bi eenig Turniere immer vörn dorbi. So hett he 1880 in Gouda en Turnier wunnen un in Hereford 1885 hett he sück Platz 2 mit Schallopp deelt, achter Joseph Henry Blackburne, aber vör Mackenzie, Gunsberg, Mason, Skipworth un annern. Wiels he en originell Speelwies harr, weer he bi de Schachspelers good ansehn.

Bird weer ok de Schachspeler, de den eersten Schönheitspries in de Schachhistorie kregen hett, 1876 weer dat in New York för iein Partie tegen James Mason.

Bird, de vun Berop Bookholler weer, hett ok Schachböker schreben, so as Chess masterpieces (1875) un Chess history and reminiscences (1893). Wat hüm ok noch interesseren de, weer de Historie vun de Iesenbahn. Ok dorto hett he en Book schreben: An Analysis of Railways in the United Kingdom.

Nah hüm is de Bird-Anspeel (1.f2-f4) nömmt wurrn. Ok in de Spaansch Partie drocht en Variante (1. e2-e4 e7-e5 2. Sg1-f3 Sb8-c6 3. Lf1-b5 Sc6-d4) de Naam Bird-Verteedigung. Bi de Italiensch Partie geev dat ok en Bird-Angreep, aber dat System hett sück nich dörsett.