Helmut Ringelmann
Helmut Ringelmann (* 4. September 1926 in München; † 20. Februar 2011 in Grünwald) weer en düütsch Filmproduzent.
Leven
[ännern | Bornkood ännern]Ringelmann hett nah sien Abitur in Frankfort an’n Main en Schauspeelutbillen bi Martin Held makt. 1949 wurr he Regieassistent bi Heinz Hilpert. Af Midden vun de 1950er Johren weer Ringelmann Upnahmeleiter un Produktschoonsleiter, to’n Bispeel 1957 in Stanley Kubrick sien Film Wege zum Ruhm.
Ringelmann wurr to’n Anfang vun de 1960er Johren geschäftsführend Produzent vun de Firma Intertel un fung an för eerste Feernsehreegen för dat ZDF to entwickeln un to produzeeren (t. B. Das Kriminalmuseum un Die fünfte Kolonne). 1967 hett he sien Produktschonsfirma Neue Münchner Fernsehproduktion un later de Telenova grünnd.
To sein spoodrieksten produzeerten Krimiserien hörrn Der Kommissar mit Erik Ode (1968–1976), Derrick mit Horst Tappert (1974–1998) un af 1977 Der Alte (to’n Anfang mit Siegfried Lowitz, later mit Rolf Schimpf, dornah mit Walter Kreye).
Van 1986 bit to sien Dood weer he mit de Schauspelerin Evelyn Opela verheiraadt.[1]
Filmografie (Utwahl)
[ännern | Bornkood ännern]| Johr | Titel |
|---|---|
| 1965 | Oberst Wennerström, Feernsehn |
| 1967 | Der Tod läuft hinterher, Feernseh-Minireeg |
| 1963-68 | Die fünfte Kolonne, Feernsehreeg |
| 1969 | Hotel Royal, Feernsehn |
| 1963-70 | Das Kriminalmuseum, Feernsehreeg |
| 1969-76 | Der Kommissar, Feernsehreeg |
| 1983-85 | Unsere schönsten Jahre, Feernsehreeg |
| 1977-86 | Polizeiinspektion 1, Feernsehreeg |
| 1987 | Wer erschoss Boro?, Feernseh-Minireeg |
| 1978-98 | Derrick, Feernsehreeg |
| 1998-2008 | Siska, Feernsehreeg |
| 1977-2011 | Der Alte, Feernsehreeg |
Weblenken
[ännern | Bornkood ännern]- Helmut Ringelmann in de Internet Movie Database (engelsch)
- Ich bekenne: Ich bin Perfektionist. Interview mit Helmut Ringelmann 1995, Togreep 22.02.2011
- Krimi-Produzent Helmut Ringelmann gestorben, Togreep 22.02.2011