Germain 14/20 hp
De Germain 14/20 hp weer de eerste Wagen vun de Société Anonyme des Ateliers Germain ut Belgien mit Kardanwell. Dat Fohrtüüch is van 1905 bit 1910 baut wurrn.
De Hubruum vun den Veerzylinermotor bedroog 2925 cm³ mit 92 mm Bohrung un 110 mm Hub. De maximale Motorleistung vun 19 HP (14 kW) wurr bi 1050/min reckt. Eerstmalig weer bi dit Fohrtüüch de Inlaat- un Utlaatventile getrennt up de Motorsieden verdeelt wurrn. En mit Ledder beleggt Kegelkonuskupplung weer tüschen Motor un den Dreeganggedriev inbaut. Per Kardanwell wurr denn de Andrievkraft up de Achterass wiederleit. De Footbrems war up en Bremstrummel an den Gedrievutgang un de Handbrems wark up dem Bremen direkt an de Achterass. De Vörderass weer noch ahn Bremen. De Radstand bedroog 2642 mm un de Spoorwiet 1245 mm. De Reifen harrn en Dörmeter vun 810 mm mit en Breedt vun 90 mm. Dat geev aber ok Reifen vun 815 mm Dörmeter un 105 mm Breedt. Dat Leergewicht bedroog 635 kg.[1] Vun den 14/20 sünd in’n Loop vun de söss Produktschoonsjohren en paar Hunnert Fohrtüüch herstellt wurrn. Dat Auto weer för veer Sittplätze utleggt wurrn.