Gerhard Geerdts

Vun Wikipedia

Gerhard Geerdts (* 19. Dezember 1935 in Veern) is en düütschen Verwaltungsbeamten.

Geerdts is 1935 in Veern boren un weer op dat Domgymnasium Veern. He hett Juristeree in Düütschland un an de Universität Harvard studeert. He hett sien Referendariat in Neddersassen maakt un weer denn Weertschopsjurist in Hamborg. He weer Referent bi de Landsregeren in Neddersassen, ünner annern in de Staatskanzlie.

He is in’n April 1977 as Nafolger von Thassilo von der Decken Böverkreisdirekter von’n Landkreis Stood worrn. He weer ahn Partei, is aver mit de Stimmen von CDU un FDP wählt worrn. He is bet Oktober 1979 Böverkreisdirekter in Stood bleven. Sien Nafolger weer Dieter Diekmann. Na de Tied in Stood is he in’n November 1979 as Böverkreisdirekter na’n Landkreis Ülzen gahn. Dor weer he Nafolger von Dietrich Hoppenstedt, un is bet März 1986 bleven. Denn hett em Theodor Elster in’t Amt aflööst (na en korte Tied, in de Rolf Sander dat Amt kommissarsch övernahmen harr).

2003 hett he as fre’en Mitarbeider bi de Kanzlie Berner, Fischer & Partner in Veern anfungen.