Genfrequenz

Vun Wikipedia
Wesseln na: Navigatschoon, Söök

De Genfrequenz oder Allelfrequenz is en Begreep ut de Populatschoonsgenetik. Betekent warrt dormit de relative Männigkeit vun de Kopien vun en Allel in en Populatschoon. De Genfrequenz beschrifft de geneetsche Veelfalt in en Populatschoon.

De Genfrequenz warrt berekent ut de Tall vun de Kopien vun en sünnert Allel deelt dör de Samttall vun de Kopien vun all Allelen, de in de Populatschoon vörkamt.

Evolutschoon finnt statt, wenn sik de Genfrequenz vun en Populatschoon ännert. Möögliche Oorsaken dorför sünd de natürliche Selekschoon oder de Gendrift.

Bispeel[ännern | Bornkood ännern]

As Bispeel deent en Populatschoon, de ut teihn diploide Individuen besteiht. För en sünnert Gen gifft dat dorin twee Allelen A un a. Wenn man vun de folgen Genotypen utgeiht:

AA, AA, AA, AA, AA, AA, aa, aa, aa, aa,

warrt de Genfrequenz för dat Allel A P(A) un för dat Allel a P(a) berekent as:

  • P(A) = (2+2+2+2+2+2):20 = 0,6
  • P(a) = (2+2+2+2):20 = 0,4

För de folgen Genotypen

AA, AA, Aa, Aa, Aa, Aa, Aa, Aa, Aa, Aa

Kriggt man:

  • P(A) = (2+2+1+1+1+1+1+1+1+1):20 = 0,6
  • P(a) = (1+1+1+1+1+1+1+1):20 = 0,4

Allgemeen gellt: P(A) + P(a) = 1, also de Komplementarität vun all Allelen, also hier A un a. De Genfrequenz is also nich afhangig dorvun, woans de Allelen in’n Genpool vun de Populatschoon verdeelt sünd.

Kiek ok[ännern | Bornkood ännern]

de.Genfrequenz