Gemeen (Brasilien)

Vun Wikipedia
Wesseln na: Navigatschoon, Söök
Grenzen vun de Gemenen in Brasilien

In Brasilien sünd de 27 Bundsstaten direkt in Gemenen (município) opdeelt. Vun de gifft dat 5560 Stück. De Meso- un Mikroregionen doot noch dortwischenliggen, man sünd kene echten Verwaltensrebeden, de sünd mehr för de Statistik dor. Elk Gemeen hett dat Brasiliaansche Institut för Geografie un Statistik en egen Gemeenslötel tokennt.

En ganzen groten Deel vun de Gemenen liggt bi de Küst, de dichter besiedelt is. De Gemenen sünd dor veel lütter as in’t Binnenland, wo de Gemenen to’n Deel över 100.000 km² groot sünd, grötter as ganz Ungarn. In’n Dörsnitt hebbt se bi 34.000 Inwahners. Vun’e Grött her doot se vun São Paulo mit 11 Millionen Inwahners bet Borá mit 828 Lüüd recken.

Annern Kraam[ännern | Bornkood ännern]

Brasiliaansche Gemenen hebbt faken en Reeg Symbols fastleggt. Dor höört blangen Wapen un Flaggen ok Hymnen för de enkelten Gemenen to.