Franzöösche Revolutschoon

Vun Wikipedia
Wesseln na: Navigatschoon, Söök

Dat lett so, as wenn disse Artikel nich so akraat is as de ween schull. Kiek ok op de Diskussionssiet vun den Artikel.

De Franzöösche Revolutschoon weer de Revolutschoon in Frankriek in 't Johr 1789. Los güng dat mit de Versammeln vun de Generalstänn an'n 5. Mai in Versailles. An'n 14. Juli is de Bastille, en Gefängnis in Paris, störmt, innahmen un in Dutt maakt wurrn. En vun de bekanntesten Lüüd vun de Franzöösche Revolutschoon weer Robespierre, en vun de radikale Partei vun de Jakobiners. In de Franzöösche Revolutschoon sünd de Buern to fri'e Lüüd verklaart wurrn. De Tiet vun de Königen güng nu to Enne. 1793 sünd den König Ludwig XVI. un siene Fro Marie Antoinette mit de Guillotine de Köpp afneiht wurrn. Robespierre hett en gräsigen Terror utöövt, un nümms weer mehr seker un wüss, ob he nich ok unner dat Fallbiel keem. Man dat duur nich lang, denn hett Robespierre süms sien Kopp in den Wichelkorf leggen mösst. De Franzöösche Revolutschoon hett Europa Krieg, aber ok Fortschritt un Frieheit bracht. Een anner wichtig Mann bi de Revolutschoon weer Georges Danton, een Afkaat un Redner, de tegen Robespierre den körteren trucken hett.