Franz Joseph Michael Wieacker

Vun Wikipedia
Dat Graff von Franz Joseph Wieacker un sin Fru Johanna Ostendorf in Moers

Franz Joseph Michael[anmarkt 1] Wieacker (* 13. September 1874 in Geismar; † 13. Dezember 1958 in Freiburg) weer en düütschen Jurist.

Wieacker is as Söhn von’n Rekter von de högere Börgerschool in Geismar, Johann Wieacker, boren.[1] He weer Richter in Stargard un is von dor 1908 na Prenzlau gahn un dor Eersten Börgermeester worrn.[1] 1912 hett en sworen Autounfall dorför sorgt, dat he dat Amt afgeven hett.[1] Nadem he sik wedder verhaalt harr, hett Wieacker denn as Avkaat arbeidt un de Familie is na Weilburg tagen.[1] 1918 hett Wieacker dat Richteramt wedder opnahmen un weer Richter bi dat Landgericht Stood.[1] Na en Tied von 1922 bet 1930 as Oberlandsgerichtsraad bi dat Landgericht Celle is Wieacker denn von 1930 bet 1939 Präsident von dat Landgericht Stood ween.[1][2]

He hett Johanna Ostendorf freet. De beiden harrn den Söhn Franz Wieacker (5. August 1908–17. Februar 1994), de ok Jurist weer.[1]

Anmarkt[ännern | Bornkood ännern]

  1. de Düütsche Natschonalbibliothek gifft sien Roopnaam mit Joseph an, annere Borns aver mit Franz

Footnoten[ännern | Bornkood ännern]

  1. a b c d e f g Stefan Grundmann: Deutschsprachige Zivilrechtslehrer des 20. Jahrhunderts in Berichten ihrer Schüler. Walter de Gruyter, 2007, Sied 73ff
  2. DNB