Landgericht Stood

Vun Wikipedia
Gerichtsgebüüd 1906
Gerichtshuus 2011

Dat Landgericht Stood is en Gericht von de Ordentliche Gerichtsborkeit, dat in Stood an’n Wilhadi-Karkhoff 1 sitt. Dat is een von de ölven Landgerichten in Neddersassen.

Gerichtsbezirk[ännern | Bornkood ännern]

To’n Gerichtsbezirk höört dat Rebeed twüschen Elv un Werser.

Ünner dat Landgericht Stood staht de Amtsgerichten Bremervöör, Buxthu, Cuxhoben, Langen, Oterndörp, Stood, Töst un Zeven. Över dat Gericht staht dat Oberlandsgericht Celle un de Bundsgerichtshoff in Karlsruhe.

Organisation[ännern | Bornkood ännern]

Präsidentin von dat Gericht is Ingrid Stelling. Dat Gericht hett 98 Mitarbeiders, von de 32 Richters sünd. Dat gifft twölv Straaf- un teihn Zivilkamern, von de een Kamer för Hannelssaken tostännig is.

Historie[ännern | Bornkood ännern]

Dat Landgericht Stood is to’n 1. Oktober 1879 ut dat Obergericht Stood billt worrn. To de Tied hebbt dor de ölven Amtsgerichten Bremervöör, Buxthu, Freeborg, Horborg, Jörk, Neehuus, Oosten, Oterndörp, Stood, Töst un Zeven tohöört.

To’n 1. April 1937 mit dat Groot-Hamborg-Gesett hett dat Landgericht Stood dat Amtsgericht Horborg (dat toletzt Horborg-Willemsborg heten hett) an den Bezirk von dat Landgericht Hamborg afgeven. Dat Landgericht Stood hett denn aver ok dat Amtsgericht Cuxhoben von dat Landgericht Hamborg un dat Amtsgericht Dorum von dat Landgericht Veern tokregen.

1948 is dat Amtsgericht Langen nee grünnt worrn, nadem de Amtsgerichten Leh un Geestmünn Deel von dat Amtsgericht Wersermünn worrn sünd un dit Gericht 1947 an dat Land Bremen keem.

1972 is dat Amtsgericht Jörk dichtmaakt worrn un 1973 de Amtsgerichten Dorum, Oosten, Neehuus un Freeborg.

Präsidenten[ännern | Bornkood ännern]

Gerichtsgebüüd[ännern | Bornkood ännern]

Dat Gerichtsgebüüd bi de Wilhadi-Kark is 1903 bet 1905 boot worrn. De Entwurf keem von’n Gehemen Oberboraad Paul Thoemer in dat Ministerium för de öffentlichen Arbeiden un is denn ünner Opsicht von Friedrich Peltz utföhrt worrn.

Weblenken[ännern | Bornkood ännern]


Koordinaten:53° 36′ N, 9° 29′ O