Frank Sherwood Rowland

Vun Wikipedia
Wesseln na: Navigatschoon, Söök
Frank Sherwood Rowland.

Frank Sherwood Rowland (* 28. Juni 1927 in Delaware, Ohio); † 10. März 2012 in Newport Beach, Kalifornien[1]) weer en US-amerikaansch Chemiker.

1943 hett Rowland de High School afslooten un hett denn an de Ohio Wesleyan University studeert. Eerst 1945 wurr he in de Armee intrucken, nehm aber an de Kämpen vun den Tweeten Weltkriegs nich mehr deel. Sien Studium hett he 1948 mit en Bachelor afslooten. 1951 kreeg he vun de University of Chicago den Master-Titel un 1952 hett he dor sien Dokter makt.

1964 wurr Rowland to‘n Perfesser an de University of California, Irvine un to’n Dekan vun de Fakultät för Chemie beropen. Dekan bleev he bit 1970. 1989 kreeg he den Japan-Pries.

Rowland wurr 1995 tosommen mit Mario José Molina un Paul Joseph Crutzen as Pionier vun de Ozonlock-Forschung mit den Nobelpries för Chemie uttekent. Rowland un Molina harrn 1974 in en Upsatz in de Tietschrift „Nature“ hör Opdecken verapenlicht, dat Fluorchlorkohlenwaterstoffen to’n Afbo vun de Ozonschicht bidragen. Bi dat Bekanntwerden vun dat Ozonlock över de Antarktis in de 1980er Johren wurr hör Opdecken weltwiet debatteerd un dat führ letztlich to en Minneseeren vun den FCKW-Utpusten in dat laat 20. Johrhunnert.

Enkeld Nahwiesen[ännern | Bornkood ännern]

  1. Chemienobelpreisträger Rowland gestorben, Togreep an’ 12. März 2012

Weblenken[ännern | Bornkood ännern]