Flagg vun Schottland

Vun Wikipedia
Flagg vun Schottland

De Flagg vun Schottland besteiht ut en witt Andreaskrüüz (engelsch saltire) up hellblauem Grund. En selten bruukt Version wiest en dunkelblauen Grund up.

En offiziell för de Bevölkerung nich tolaaten, aber dennoch faken bruukt Flagg wiest up geelen Grund en root stiegend Lööw, umgeven vun „Lilien-Düppelbalken“. Dat is de Flagg vun den schottschen König de „Lion Rampant“.

Historie[ännern | Bornkood ännern]

De schottsch Flagg is en vun de öldsten Flaggen vun de Welt un reckt bit in dat 9. Johrhunnert torüch. En Överlevern vertellt, dat in dat Johr 832 en König Hungus (oder Angus) de Pikten un Skoten in en Slacht tegen de Angelsassen führt hemm sall. Hungus un sien Suldaten wurrn umzingelt un he hett um Erlöösung beden. Wiels de Nacht is hüm de Apostel Andreas (de up en diagonaal Krüüz krüüzigt wurrn weer) erschienen un hett Hungus versekert, dat sien Armee winnen würr. Mörgens nehmen de Wulken an den blauen Himmel de Form vun en diagonaal Krüüz an. De Pikten un Skoten kreegen weer Moot, während de Angelsassen bang un toletzt besiegt wurrn. Siether is dat Andreaskrüüz de Flagg vun Schottland.

Beschrieven[ännern | Bornkood ännern]

Dat gifft kien exakte offiziell Definitschoon för den blauen Farvtoon. Dat bruukt Blau änner sück över de Johrhunnerte un gung vun en hell Himmelblau bit to en dunkel Marineblau. Ut Spass wurrd seggt, dat sück de Wahl vun de Farvtoon jeweils as Grundlaag harr, welker Farvtoon jüst günstig to kriegen weer. In letzte Tiet schient man sück aber up den Farvtoon Pantone 300 eenigt to hemm. Egal welker Farvtoon ok bruukt wurrd, de moot immer heller ween, as dejenige up den Union Jack. Da Gröttenverhältnis is ebenfalls nich offziell fastleggt, wurrd aber allgemeen as 5:3 oder 3:2 angeven (wobi de eerste Version leever nommen wurrd). De Breedt vun de Krüüzbalken sall een Fieftel vun de Flaggenhööchst bedragen.

Anner Flaggen mit Andreaskrüüz[ännern | Bornkood ännern]

Dat schottsch Andreaskrüüz is en vun de Komponenten vun den Union Jack. De ümkehrte Version (blau Andreaskrüüz up witt Feld) wurrd as Flagg vun de russ’schen Marine bruukt. Dat schottsch Andreaskrüüz kann man ok up Wappen un Flagg vun de kanaadsch Nova Scotia finden. Begäng is dor de Farvtoon hellblau.

De Flagg vun Teneriffa gliekt de Flagg vun Schottland, as ok de Signalflagg M vun dat Flaggenalphabet.

De Flagg vun den schottschen König („Lion rampant“)[ännern | Bornkood ännern]

Flagg vun de schottschen Königen

Dat Wappen un de Flagg vun de schottschen Könige wiesen siet tomindst 1332 en roden opreckten Lööw (Lion rampant) up golden Grund, umgeven vun rode Lilien-Düppelbalken.

De Lööw wurr all in dat fröhe 12. Johrhunnert vun William I. annommen, de ok „Wilhelm der Löwe“ nömmt wurr, un kann as Wappendeert eerstmals 1222 in dat Siegel vun sien Söhn Alexander II. nahwiest wurrn.

Dit Wappen wurr bi de Anfang vun de engelsch-schottsch Personalunion 1603 in dat Wappen vun Grootbritannien integreert un is siether ok up de Königsflagg vun dat Vereenigt Königriek to sehn.

De Flagg mit den oprecken Lööw dröff blots vun Monarken bruukt wurrn, se wurrd offiziell up de schottsch Residenzen vun dat Königshuus in Holyrood Palace un Balmoral Castle in de Tieden uptrucken, in de de König oder Königin nich dor is. Ok de Repräsentanten vun de König/Königin dorünner de First Minister of Scotland, de Lord Lieutenants, de Lord High Commissioner to the General Assembly of the Church of Scotland un de Lord Lyon King of Arms, drööft de Flagg föhren. As persöönlich Banner vun de König(in) is se nah dat Gesett vun dat Parliament of Scotland van 1672, cap. 47 and 30 & 31 Vict. cap. 17 schuult.[1] Liekers is se as alternativ Flagg för Schottland (z. B. bi Football-Lännerspelen) so beleevt, dat dat politisch unmögelk weer, jemanden deshalb gerichtlich to verfolgen.

Neben de Flagg vun den König is de stiegend Lööw ok in de Flagg vun den Hartog vun Rothesay, de oldste Söhn vun den jeweiligen Monarken (hüüd: Prinz Charles) afbildt.

Enkeld Nahwiesen[ännern | Bornkood ännern]

  1. Lyon Court - The Lyon Rampant