Flagg vun Indonesien

Vun Wikipedia
Wesseln na: Navigatschoon, Söök
Flagg in' Siedenverhältnis vun 2:3

De Flagg vun Indonesien (Sang Saka Merah Putih) is an' 17. August 1945 offiziell annommen wurrn.

Beschrieven[ännern | Bornkood ännern]

Se besteiht ut twee gliek groot, horizontaal Striepen: baben root un ünnern witt. In Indonesien wurrd se Merah Putih nömmt, wat schlicht „Root-Witt“ bedüüden deiht.

De glieker Farvanordnen wiesen, to'n Deel mit anner Siedenverhältnisse, völ anner Flaggen, so as de Flagg vun Monaco un to'n Bispeel de Regionalflaggen vun Solothurn un Hessen.

Historie[ännern | Bornkood ännern]

De Farven gaht up en Fahn vun den Prinzen Jayakatong (1293), den Grünner vun dat Königriek Majapahit, dat in' 14. Johrhunnert sien Hööchpunkt recken dee, torüch. Anfang vun dat 20. Johrhunnert wurrn se eerstmals weer vun Studenten un Natschonalisten bruukt, as Indonesien ünner nedderlannsch Kolonialherrschap stunn. As sück dat Land nah den Tweeten Weltkrieg an' 17. August 1945 för unafhängig verkloort hett, wurr de root-witt Flagg as nee Natschonalflagg vun Indonesien annommen.

Weblinks[ännern | Bornkood ännern]

Commons-logo.svg Flaggen Indonesiens. Mehr Biller, Videos oder Audiodateien to’t Thema gifft dat bi Wikimedia Commons.