Flagg vun Honduras

Vun Wikipedia
Natschonalflagg in’ Wind

De Flagg vun Honduras wurr an’ 18. Januar 1949 offiziell inführt.

Bedüüden[ännern | Bornkood ännern]

De beid blau Balken symboliseeren den Pazifik un den Atlantik, de beid Meere, an de Honduras liggt. De Flagg hett en Siedenverhältnis vun 1:2.

As Utdruck vun de Hoopnung up en nee Föderatschoon vun de middelamerikaansch Staaten wurrn 1866 fiev blau Steerns in den witten Middelstriep sett, de för de ehmalge Liddmaaten vun de Zentraalamerikansch Konföderatschoon staht. De middlere Steern steiht för Honduras sülvst, wiel dat de zentraal Staat in Middelamerika is.

Historie[ännern | Bornkood ännern]

De Flagg vun Honduras baseert up de blau-witt-blau Fahn vun de Zentraalamerikaansch Föderatschoon. Honduras is 1838 ut dit Bündnis utsteegen, hull aber as de anner Liddmaatstaaten (El Salvador, Nicaragua, Guatemala, Costa Rica) an disse Farven fast.

As Liddmaat vun de Zentraalamerikaansch Konföderatschoon hett Honduras siet den 21. August 1823 de Flagg vun den Staatenbund bruukt. An’ 3. Oktober 1825 wurr dat eerst Staatswappen vun Honduras – bannig ähnlich to de as hüüd - schaffen. Dat is aber nich bekannt, of dit Wappen ok up de Flagg wiest wurr. As 1839 de Konförderatschoon uplööst wurr, hett Honduras wiederhenn de Flagg bruukt; of disse denn mit dat eegen Staatswappen versehn wurr, is ok nicht bekannt. An’16. Februar 1866 wurr en Gesett för de eerst eegenständig Natschonalflagg verafscheedt. In dit Gesett wurr fastleggt, dat up den middleren witten Striep fiev fievzackig blau Steerns as Symbole keemen. Da de Positschoon vun de Steerns aber nich nipp un nau beschreeven weer (dat passeer eerst in en Gesett vun 1949) hett man woll verscheeden Modelle bruukt. So gifft dat öllere Afbillen, de de Steerns mit de Spitz nah ünnern oder aber ok halfkreisförmig anordnet, dorstellen.

Van’ 1. November 1898 bit to’n 30. November 1898 bruuk Honduras as Liddmaat vin de 1895 grünnd „Zentraalamerikaansch Grootrepublik“ de Flagg vun dissen körtlevenden Staatenbund. Wiel in disse Flagg de Steerns goldfarven dorstellt weern, wurrn völ Flaggen vun Honduras nah 1898 mit goldfarven Steerns produzeert un ok so bruukt. Ab’ 27. September 1933 wurr en Dekret verafscheedt, dat en Afbillen as Vörlaag för de Natschonalflagg enthull. Eerst an’ 18. Januar 1949 wurr mit exakten Spezifikationen all Maaten un de Farv vun de Flagg nipp un nau fastleggt.

Literatur[ännern | Bornkood ännern]

Weblenken[ännern | Bornkood ännern]

Flaggen vun Honduras. Mehr Biller, Videos oder Audiodateien to’t Thema gifft dat bi Wikimedia Commons.