Flagg vun Alaska

Vun Wikipedia
Wesseln na: Navigatschoon, Söök
Flagge Alaskas
Flaggenverhältnis 125:177

De Flagg vun den US-Bundsstaat Alaska wurr an’ 2. Mai 1927 annommen.

Utsehn vun de Flagg[ännern | Bornkood ännern]

De Flagg wiest acht golden Steerns up dunkelblau Grund. Se stellt de Steernkonstellatschoon Groot Boor mit den Polarsteern dor. In de offiziell Beschrieven steiht dat Blau, en vun de Natschonalfarven vun de USA, för den Himmel an’ Avend, dat blau Meer, de Bargseen un de Wildblöömen vun Alaska (Vergissmeinnicht). De Farv Gold stellt den Riekdom dor, de sück in de Bargen un Strööms vun Alaska verbargt.

Historie[ännern | Bornkood ännern]

De Flagg van 1927 wurr dör John Ben („Benny“) Benson entworfen, en 13-johrigen Oorinwahner vun Alaska, de in Seward leven dee. Grund weer en Wettbewarf, bi de Schoolkinner ut ganz Alaska en Flagg för dat Rebeet vun Alaska entwerfen sullen. Etwa 700 Vörslääg geev dat ut de Klassenstuufen 7 bit 12. De meest Vörslääg hebbt Variatschonen vun dat Staatssegel oder Symbole as de Middernachtssünn, dat Polarlucht, Booren oder Goldwascherpannen harrt. Benson kreeg för sien Vörslag en Priesgeld vun 1.000 Dollar un een Klock.

Trivia[ännern | Bornkood ännern]

In en 2001 dörführt Internet-Afstimmen vun de North American Vexillological Association (den Noordamerikaanschen Flaggenkunn-Verband) wurr disse Flagg ünner de teihn best Flaggen vun de US-Bundsstaaten un de kanaadsch Provinzen up den fievten Platz wählt. [1]

Enkeld Nahwiesen[ännern | Bornkood ännern]

  1. http://www.nava.org/Flag%20Design/State&Provincial%20Survey%202001/surveyresults.htm

Literatur[ännern | Bornkood ännern]

  • The Flag Institute (Hrsg.): Nationalflaggen der Welt. Hamborg: Edition Maritim, 2000. ISBN 3-89225-402-8
  • Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Gütersloh: Bertelsmann Lexikon Verlag, 1992. ISBN 3-570-01082-1
  • Whitney Smith, Ottfried Neubecker: Die Zeichen der Menschen und Völker. Unsere Welt in Fahnen und Flaggen. Reich Verlag, Luzern 1975, ISBN 3-724301154.

Weblenken[ännern | Bornkood ännern]