Flagg vun Thailand

Vun Wikipedia
Flagg vun Thailand

De Flagg vun Thailand (thailändsch Schrift: ธงชาติ ไทย, utspraken: tʰɔŋ châːt-tʰaj), ok Thong-Thrai-Rong nömmt (Thai:ธงไตรรงค์}}; Trairanga, Trikolore), wurr an’ 28. September 1917 vun König Vajiravudh (Rama VI.) inführt.

Beschrieven un Bedüden[ännern | Bornkood ännern]

Natschonalflagg vun Thailand

De Natschonalflagg wiest fief waagrecht Striepen in root-witt-blau-witt-root, wobi dat blau Middelfeld düppelt so breet is as de anner veer Striepen. De Striepen sünd negenmal so lang, as en vun de smal Striepen breet is.

Root steiht för de Natschoon, Witt för de Religion un Blau för de Monarkie.

De Flagg ähnelt in Upbau un Farvutwahl de Flagg vun Costa Rica, de ölven Johr vör de Flagg vun Thailand annommen wurr. De maatgeven Ünnerscheed is der Verdeelen vun de root un blau Striepen, de bi Costa Rica ümgekehrt to de thailändsch Flagg is. Todem hebbt beid Flaggen en ünnerscheedlich Siedenverhältnis.

Geschichte[ännern | Bornkood ännern]

De Flagg vun Siam ut Johnson’s new chart of national emblems (1868)

De eerst Flagg vun Siam, de blots ut en root Flach bestunn, wurr ünner König Narai (1656–1688) inführt. Marineflaggen weern later mit verscheedenoordig Symbolen up root Grund in Gebruuk, so to’n Bispeel en witt Chakra (dat Wappen vun den Gott Vishnu, dat ok dat Symbol vun dat Huus Chakri dorstellen dee) oder en Witt Elefant inmidden vun dat Chakra.

De eerste offiziell Flagg wurr 1855 dör König Mongkut (Rama IV.) inführt un wiest en witten Olifant (dat königliche Symbol) up rooden Grund, wiel de rein root Flagg för internatschonale Beziehungen en to minn individuellen Charakter harr.

1916 wurr de Flagg ännert un kreeg hör hüüdig Striependesign, wobi de middlere Farv aber in den sülvigen Root-Toon hollen weer, as de butere Striepen. Luut en Överlevern sall König Vajiravudh (Rama VI.) wiels en Floot de vörherig Flagg sehn hemm, as se up den Kopp hung. Um dat dat nich noch mal passeeren dee, hett he en nee Flagg entworfen, de nu en symmetrisch Design harr. 1917 wurr de middlere Farv to en Düsterlblau ännert, de Glück verheeten Farv vun den Saterdag in de thailänndsch Astrologie, de Dag, an de König Vajiravudh boren wurr. Anner Borns nah sall de blau Farv wählt wurrn ween, um de Verbünnten in’ Eersten Weltkrieg to ehren (Frankriek, Grootbitannien, USA), deren Flaggen ok root-witt-blau upwiesen.

Marineflaggen[ännern | Bornkood ännern]

Seekriegsflagge

De thailändsch Seekriegsflagg is gliek as de Natschonalflagg, wobi se en rooden Kreis in de Midden upwiest, de vun de root Striepen vun den böveren bit to dat ünnere Enn vun de Flagg reckt. In dat Zentrum vun den Kreis is en witt Elefant afbildt, de vull utkleedt sien Blick to den Fahnenmast richt. De Gösch vun Königlich Thailändsch Marine hett ok dat Design vun de Natschonalflagg, hett aber tosätzlich in’ Zentrum dat Emblem vun de Königlich Thailändsch Marine. Dat Design vun de Uniform vun dat Marineregiment (thailändsch: ธงชัยเฉลิมพล|ธงชัยเฉลิมพล) entspreekt ebenso disse Flagg. Beid Flaggen sünd siet 1917 in Gebruuk.

Borns[ännern | Bornkood ännern]

Natschonalflagg up Halfmast

Weblenken[ännern | Bornkood ännern]

Flaggen vun Thailand. Mehr Biller, Videos oder Audiodateien to’t Thema gifft dat bi Wikimedia Commons.