Filtratschoon

Vun Wikipedia
Wesseln na: Navigatschoon, Söök

Disambig.svg Dit Woort hett noch annere Bedüden: kiek dorför ünner Filter.

De so nöömte Nuttsche is en Filtratschoonsredschop för’t Labor

De Filtratschoon is en Verfohren to’n Reinmaken oder Scheeden vun Stoffen, tomeist vun en Suspension oder vun en Aerosol. Se warrt to de mechaanschen Scheedverfohren rekent, wobi de Begrepen Filtratschoon, Filtreren un Filtern in glieke Bedüden blangenenanner bruukt warrt.

En Fletigkeit, de filtreert worrn is, warrt as Filtrat betekent. För en filtert Gas gifft dat dorgegen keen eenheitlichen Begreep, man faken warrt dorto Reingas seggt.

Dat Woort (na’t fr. filtrer, ital. feltrare „dörseven“) hett oosprünglich bedüüdt, wat „dör Filz lopen to laten“ (to germanisch *felt „Filz“), wat för’t Utfinnen vun’t Papeer de fientse Methood weer, un de ok vundaag noch in eenige Rebeden vun de Technik anwennt warrt.

Grundlagen[ännern | Bornkood ännern]

Bi de Filtratschoon warrt de Mischen, de scheedt warrn schall, dör’n Filter dörlopen laten, de tomeist ut Papeer oder Textilgeweev besteiht. Wiet verbreedt is de Ansicht, dat de Filter keen Partikels torüchhollen kann, de gröter sünd as de Porengrött vun’n Filter. Dat is aver blots een Verfohren vun vele. Annere Mechanismen sünd Partikeltraagheit, Diffusionseffekten, Elektrostatik oder Sparreffekten. So künnt ok Partikels afscheedt warrn, de veel lütter sünd as de Porengrött vun’n Filter. Sünners op dat Rebeet vun de Gasfiltratschoon hebbt de Filters en Partikelgröttenrebeet, in dat de Partikels nich vullstännig afscheedt warrt (Filterlück), wiel düütlich gröttere (dör Sparreffekten oder Traagheit) aver ok düütlich lüttere (dör Diffusion) Partikels vullstännig torüchhollen warrt.

Na’n Tiet billt sik ut de afscheedten Partikels en Schicht, de as Filterkoken betekent warrt. Wenn de Filterkoken en sünnere Dick hett, warrt normalerwies all Partikels vullstännig afscheedt. Gliektietig warrt aver ok de Ströömwedderstand vun’n Filter düütlich grötter, so dat de Filterkoken vun Tiet to Tiet wegmaakt warrn mutt. Dat kann dör Rüddeln, Torüchspölen oder ’n Druckimpuls gegen de Ströömricht passeeren oder ok dör Uttuschen vun den Filter. Bi Luftfilters mutt dat mitünner lang vör’t Opboen vun en Filterkoken maakt warrn.[1]

Filterinrichten[ännern | Bornkood ännern]

En Inrichten to’n Filtern in’t cheemsche Labor is de Nutsche. Dat is en Porzellanfilter mit’n flachen Seevbodden, op den dat Filterpapeer opleggt warrt. Dor warrt denn de Fletigkeit ringaten, de filtert warrn schall, wiel ut en dicht ansluten Suugbuddel ünner de Nutsche de Luft afpumpt warrt. Dör den Ünnerdruck warrt de Filtratschhon düütlich gauer maakt. En annere Methood is dat Afsugen in en Glassinterputt, en so nöömte Fritte.

Verfohren[ännern | Bornkood ännern]

Dat gifft ünnerscheedlcihe Utföhren un Verfohren bi de Filtratschoon:

Borns[ännern | Bornkood ännern]

  1. Verein Deutscher Ingenieure (Rgv.): VDI Richtlinie 3677 Blatt 1: Filternde Abscheider - Oberflächenfilter in: VDI/DIN-Handbuch Reinhaltung der Luft - Band 6: Abgasreinigung - Staubtechnik, 1997