Falkensee

Dit Woort hett noch annere Bedüden: kiek dorför ünner Falkensee (Mehrdüdig Begreep).

Falkensee is en Stadt mit 43.552 Inwahner (Stand: 31. Dezember 2017) up en Flach van 43,27 km² in’n Osten van den Landkreis Havelland. Se is en Middelzentrum in dat Land Brannenborg un hett den Status van en Groot kreisangehörigen Stadt.

Geschichte[ännern | Bornkood ännern]

Oortsnaam[ännern | Bornkood ännern]

De Naam is 1923 bi de Billen van de Gemeend Falkensee ut de beid gröttsten ingemeend Dörper Seegefeld un Falkenhagen as Kunstwoort tosommnsett wurrn: Falken(hagen)see(gefeld). De Oortsnaam wurrd up de letzte Sülv betoont: Falkensee. Falkenhagen wurr (un wurrd) up de vörletzt Sülv betoont, Seegefeld up de eerste. Bi de Utspraak van de tosommenföögt Oortsnaams ännert sück somit nichts.

Oorsprünge[ännern | Bornkood ännern]

Seegefeld düükt eerstmals 1265 in en Oorkunn up, un Falkenhagen 1336. Letztere Oort wurr mehrfack van verheeren Füer afbrennt. So is Falkenhagen an 12. April 1676 vullstännig daalbrennt, 1806 wurr de nördlich Deel dör Füer afbrennt un 1822 passeer dat weer, dor bleeven van de ganz Gemeend blots en paar Hüüs över. Somit liggt de up Papeer upteekent un fröher oder later verbrennt Historie van den Oort deelwies in’t Dunkel.

De Gemeenden Seegefeld un Falkenhagen hemm in de fröh Neetiet to’n Havelländischen Kreis in de Mark Brannenborg hörrt, nah de preußischen Kreisreform 1817 denn to’n Landkreis Osthavelland in den Regeerensbezirk Potsdam van de Provinz Brannenborg. De Gemeenden leegen günstig tüschen den Sitt van de Kreisverwalten in Nauen un de gröttste Stadt van den Kreis, Spandau.

1770 wurr de Olt Finkenkroog baut, later (bit in dat 20. Johrhunnert) en van de anseggsten Utflooglokale westlich van Berlin. In dat fröh 19. Johrhunnert wurr en dör Falkenhagen verloopen Chaussee van Spandau nah Nauen upricht. Hüüd is dat en binneröörtliche Straatentoog.

1961 kreeg de Stadt de Stadtrechte.