Euterpe (Mythologie)

Vun Wikipedia
Wesseln na: Navigatschoon, Söök
Euterpe

Euterpe oder Eutelpe ( „de Freud maakt“, „de Spaaß maakt“, „Sik Högen“) is en vun de negen Musen, de dat vun Hesiod af an in de Greeksche Mythologie gifft. Normolerwies warrt se ankeken as Muse vun de Toonkunst un vun de lyrisch Poesie. In de late röömsche Tiet is se ansehn wurrn as Muse vun de lyrisch Dichtung un vun dat Flötenspeel.

Mythos[ännern | Bornkood ännern]

As al Musen is Euterpe en Göddin. Se is ja de Dochter vun den Göddervadder Zeus un siene Leevste Mnemosyne. He schall jem alltohopen in negen Dage tüücht hebben, as he mit sien Deern wietaf vun de annern Gödder weer.

Ikonographie[ännern | Bornkood ännern]

Afbillt warrt Euterpe mit en Flööt oder mit en Aulos (antike Dubbelflööt), sunst woll ok mit noch en anner Instrument, as en Vigelien.

Astronomie[ännern | Bornkood ännern]

De Asteroid Euterpe hett vun düsse Muse sien Naam vun kregen.


Commons-logo.svg Euterpe. Mehr Biller, Videos oder Audiodateien to’t Thema gifft dat bi Wikimedia Commons.