Eleutherus

Vun Wikipedia
Wesseln na: Navigatschoon, Söök

Eleutherus oder Eleutherius († 189) weer van etwa 175 bit 189 as Nahfolger vun Soterus Bischop vun Rom.

Mit dissen Mann ut Greekenland end de fröhe List vun de Bischööp vun Rom vun den Irenäus vun Lyon. Henwiesen up hüm kann man ok bi Eusebius vun Caesarea un in anner Dokumenten ut de Tiet finnen. He hett, as ok sien Vorgänger, mit den Montanismus kämpt.

Dat Liber Pontificalis van‘ Anfang vun dat 6. Johrhunnert berichtet, dat Eleutherus Beziehungen to den britischen König Lucius harrt hett, de de Wunsch harr, to’n Christentum to konverteeren. Disse Legende - röömsch, nich britisch Oorsprung - is för Geschichtswetenschapler en Radsel un hett woll kien historsch Grundlagen.

De Hilligen-Gedenkdag vun Eleutherius is de 26. Mai. Sien Nahfolger weer Viktor I.

Sien Naam bedüüd: de Free (greeksch).

Vörgänger Amt Nafolger
Soterus Paapst
175 - 189
Viktor I.


Weblenken[ännern | Bornkood ännern]