Eerdpüüster

Vun Wikipedia
Wesseln na: Navigatschoon, Söök
Eerdpüüster
Eerdpüüster
Systematik
Klass: Amphibien (Amphibia)
Ünnerklass: Lissamphibia
Ornen: Salamanders (Caudata)
Böverfamilie: Salamanderverwandte (Salamandroidea)
Familie: Echte Salamanders (Salamandridae)
Geslecht: Salamandra
Wetenschoplich Naam
Salamandra salamandra
Linnaeus, 1758

De Eerdpüüster (wetenschoplich Salamandra salamandra) is en Deert, dat to de Amphibien un dor to de Salamanders höört.

Utsehn[ännern | Bornkood ännern]

De Eerdpüüster is swart mit gele Placken oder Bänner. De Ünneroorden ünnerscheedt sik faken bi dat Utsehn. He warrt üm un bi 23 Zentimeter lang un bringt denn so üm un bi 40 Gramm op de Waag.

Levensruum[ännern | Bornkood ännern]

Levensruum in Europa

De Eerdpüüster leevt in grote Delen vun Süüd- un Middeleuropa. In Noorddüütschland leevt he in den Hoort, de Lünborger Heid un ans blots in en poor lüttjere Rebeden. Normalerwies leevt he aver lever in ene Hööch vun 200 bet 450 Meter över de See.

He leevt in Hügel- und Bargland mit Woolden. Opleevst mag he fuchtige Mischwoolden. Nadelbööm mag he weniger. Den Dag över krüüpt de Eerdpüüsters in Ecken, wo se schützt sünd, ünner Steen, in Eerdgäng vun annere Deerten oder twischen Boomwuddeln to’n Bispeel. Rutkamen doot se dor meist blots bi Nacht oder wenn dat düchtig regent hett.

Salamandra salamandra gallaica (Portugal)

De Oort warrt in 13 Ünneroorden indeelt:

  • Salamandra salamandra almanzoris
  • Salamandra salamandra bejarae
  • Salamandra salamandra bernardezi
  • Salamandra salamandra beschkovi
  • Salamandra salamandra crespoi
  • Salamandra salamandra fastuosa
  • Salamandra salamandra gallaica
  • Salamandra salamandra gigliolii
  • Salamandra salamandra longirostris
  • Salamandra salamandra morenica
  • Salamandra salamandra salamandra
  • Salamandra salamandra terrestris

Dree annere Ünneroorden warrt na geneetsche Ünnersökungen nu as egene Oorden ansehn. Dat sünd de Korsische Eerdpüüster (Salamandra corsica Savi, 1838), de Noordafrikaansche Eerdpüüster (Salamandra algira Bedriaga, 1883), de Süüdspaansche Eerdpüüster (Salamandra longirostris Joger & Steinfartz, 1994) un de Kleenasiaatsche Eerdpüüster (Salamandra infraimmaculata Martens, 1885).

Levenswies[ännern | Bornkood ännern]

Pooren doot de Eerdpüüsters sik in de Tiet vun April bet September. De Larven wasst denn bet to’t Vörjohr in’n Buuk vun de Mudder. Denn warrt se vun de Mudder in enen Diek oder Pool afsett. Dat sünd in’n Dörsnitt üm un bi 30 Stück opmal. Dor wasst se ran, bet se twee bet veer Johren oolt sünd. Denn sünd se sülvst sowiet, dat se sik pooren köönt.

Freten doot se Kevers, Snicken, Mecken un annere lütte Deerten.

De Eerdpüüsters köönt 20 Johren oolt warrn. Welk sünd ok al över 50 Johren oolt worrn.

Kiek ok bi[ännern | Bornkood ännern]

Weblenken[ännern | Bornkood ännern]

Commons-logo.svg Eerdpüüster. Mehr Biller, Videos oder Audiodateien to’t Thema gifft dat bi Wikimedia Commons.