Durrës

Vun Wikipedia
Wesseln na: Navigatschoon, Söök

Durrës (albaansch ok Durrësi, greeksch Δυρράχιον Dyrrhachion, latiensch Dyrrachium, italieensch Durazzo) is de wichtigst Habenstadt vun Albanien. De Stadt is Verwaltenssitt vun de Behörden vun de glieknaamig Quark un vun de glieknaamig Kreis. In de Ebene ööstlich vun dat Stadtzentrum sünd, siet dem de Kommunismus tossommenbroken is, grood, meest illegal Siedlungen entstahn, in de sück de arm Inwahner ut den noordalbaansch Bargen nedderlaaten hebbt. In de Stadt leeven 130.269 (Stand: 2003) Inwahner. Se is de tweetgröttste Stadt vun Albanien.

Geografie[ännern | Bornkood ännern]

Durrës liggt an de Ufer vun de Adria, ca. 30 Kilometer (Luftlinie) westlich vun Tirana.

Historie[ännern | Bornkood ännern]

Durrës wurr 627 v. Chr. as Epidamnos vun greeksch Kolonisten ut Korinth un Korfu grünnd. Dat röömsche Dyrrhachion weer as Utgangspunkt vun Via Egnatia, de da ööstlich Adriaufer mit Byzantion (later henn Konstantinopel) verbinnen de, en bedüüdend Stadt. 312 v. Chr. wurr de greeksche Kolonie vun de illyrischen Taulantiern, de ut dat Achterland keemen, erobert. In dat Johr 48 v. Chr. keem dat wenig süüdlich vun Durrës to en grooten Slacht tüschen Caesar un Pompeius.

In dat Middelöller stunn Durrës lang ünner de Herrschap vun Byzanz, weer aber bannig tüschen Greeken un Bulgarien umkämpt.

1204 keem de Stadt eerstmals ünner de Herrschap vun de Republik Venedig; siet 1220 gehör se to dat Despotat Epirus un siet 1271 to dat Königriek Neapel. 1273 wurr de Stadt dör en stark Eerdbeven kört un kleen, aber glieks weer upbaut un nee befestigt. Mit de neapoletaanisch Herrschap wunn de Katholizismus in Durrës an Boden. 1278 hebbt hier de Dominikaner hör eerst Kloster in Albanien grünnd. 1367 wurr Karl Thopia Herr von Durrës, sien Sohn Gjergj övergeev de Stadt 1392 an de Venezianer. 1501 mussen de wedderum Durrës an de Osmanen aftreden. Ut de veniziaansch Tiet sünd noch Deelen vun de Stadtmüer un en paar vun de Toorns erhollen.

1914 weer Durrës för en körten Tiet de Hööftstadt vun Albanien. In dat hierig Konak resideer Wilhelm von Wied, de söss Maand lang Fürst vun Albanien weer. As nah den Eersten Weltkrieg de Unafhängigkeit Albaniens wedder herstellt wurr, hett man Tirana to de nee Hööftstadt makt.


Weblinks[ännern | Bornkood ännern]

Commons-logo.svg Durrës. Mehr Biller, Videos oder Audiodateien to’t Thema gifft dat bi Wikimedia Commons.