Diskuschoon:Wierboom

Naam un Taxonomie

Wo kümmt eentlich de Naam Wierboom her? Belegen hebb ik bloß vun Pommern funnen. Dat is en beten minne, um dor dat ganze Plantengeslecht Cornus na to benömen. Na miene Meenung scholl dat Lemma Hoornstruuk heten. De Wierboom is ja keen plattdüütschen Naam för Cornus, man för Cornus sanguinea, sowiet as ik dat funnen hebb. Kiek ok bi Wikipedia:Wikiprojekt Biologie/Planten un Bööm#Hartriegelgewächse--Bolingbroke ✍ 00:49, 16. Jan. 2010 (CET)

Cornus sanguinea heet, wenn mi mien Latiensch nich verlaten hett, so veel as blödig Hoorn oder Bloodhoorn. Dat speelt seker op de rode Farv vun de Beren an. Woans sik dor nu Wierboom vun afleiden schall weet ik nich. Hoornstruuk hett wenigstens noch dat Cornus översett. --Iwoelbern ✍ 00:57, 16. Jan. 2010 (CET)

Wat för Belegen hest du denn för Hoornstruuk funnen? --::Slomox:: >< 13:09, 16. Jan. 2010 (CET)

Hoornstruuk is en Kunstwoort. Dat hebb ik ut den Artikel nahmen, wo de Wierboom in de Kategorie Hoornstrüker unnerbröcht is. De Naam hett siene Logik, vunwegen dat latiensche Cornus. Dat Problem för us is meist, datt up Platt bloß de Naams (un ganz verscheden Naams!) för de enkelten Arden bekannt sünd, man nich för de Geslechter, Ornen un Klassen. Dat gifft dat avers in de annern Spraken ok. De Hollänners behölpt sik denn meist mit de latienschen Naams. Also: För Cornus sanguinea harrn wi Schietbeere, Rode Wilge, Wierboom un annere. För dat Geslecht Cornus hefft wi up Platt nix. Nun könnt wi en Kunstwoort nehmen, as Hoornstruuk, oder wi boot up den Grund vun de Arden sotoseggen ok de Geslechter up, wi kaamt also vun unnen her un boot up de Rode Wilge oder den Wierboom dat Geslecht vun de Roden Wilgen oder Wierböme un dor denn de Ordnung Rode-Wilgen-Planten oder Wierboomplanten. Denn weer dat an sik keen Neologismus, oder tominnst, de Neologismus is afleit' vun en worraftigen plattdütschen Naam.--Bolingbroke ✍ 16:36, 16. Jan. 2010 (CET)

Dat Woort Hoornstrüker hett de IP dor rinschreven, de ok den Artikel anleggt hett. Wokeen dat weer und woneem dat Woort herkummt is also nich klor. Na dat, wat Bolingbroke al schreven hett, maakt dat Sinn dat so ut'n latienschen Naam aftoleiden. Eens fallt aver doch op: Wenn dat op Hoochdüütsch Hartriegel heet, un dat en Geslecht ut de Familie vun de Hartriegelgewächse is, denn schülln beide Begrepen ok mitenanner to doon hett. Wenn nu de Wierboom de Beteken för en Oort ut dat Geslecht is, denn mutt dat nich togliek ok de Naam för't Geslecht wesen. Ahn Kunstwöör kamt wi aver so oder so nich ut, so lang nich en plattdüütschen Bioloog de Systematik op platt fastleggt hett. Dat de Begreep in de Eentall steiht, mutt op jeden fall ännert warrn. --Iwoelbern ✍ 17:15, 16. Jan. 2010 (CET)