Diskuschoon:Fletigkeit

De Begreep Fletigkeit as Kunstwoort

Wi hebbt enerwegens up de Sieten Mi fehlt dat Woort dor over snackt, wie denn an'n besten Flüssigkeit to oversetten weer. Ik meen, dormols weern wi up twee Kunstwöör kamen: Fletigkeit (analog to hoochdüütsch) un Fleetstoff (analog to nedderlannsch). Nun is gegen Kunstwöör an un for sik nix intowennen. Towielen gifft dat nix anners. Jede Spraken mutt Kunstwöör utfinnen, wenn nee Saken upkamen sünd (Handy). Man liekers noch mol de Fraag, ob dat nich doch en plattdüütsch Woort gifft, wat minner künstlich klingen deit? Ik hebb hier [1] noch mol nakeken. Kann unner Umstänn Natt namen weern? Oder Lobbe? In eenfacke Spraken, as Plattdüütsch bitherto weer, gifft dat ja faken keen Universalbegreepe, man de Begreepe sünd jummers konkret. Dat dö ja passen, wenn for verscheden Aarden vun Flüssigkeiten (dick, dünn, ölig, waterhaftig) verschedene Begreepe nahmen wurrn sünd. Lett sik dat nu up en Nakiksel umsetten? Könnt wi sust mit Natt arbeiden? Oder wüllt wi doch bi de Kunstwöör blieven, wiel dat sunner Allgemeenbegreepe nich geiht? --Bolingbroke ✍ 12:37, 18. Dez 2015 (CET)

Natt seech ik ehrder as "Nässe". Eastfrisian ✍ 16:06, 18. Dez 2015 (CET)