Diskuschoon:Bartholomäus (Apostel)

Schull de nich ünner sien plattdüütschen Naam Bartelmees stahn? --::Slomox:: >< 21:22, 1. Dez 2011 (CET)

De plattdüütsche Naam is Mewes...--Bolingbroke ✍ 23:53, 1. Dez 2011 (CET)

De plattdüütsche Naam Mewes kummt dor ok von af, aver warrt dat ok för den Hilligen sülvs bruukt? In de plattdüütsche Literatur sünd op jeden Fall en Reeg Steden to finnen, wo dat üm den Hilligen (oder faken üm den 24. August) geiht, wo denn Bartelmees schreven warrt. Mewes heff ik dor noch nich leest. Ik heff jüst mien Böker nich bi de Hand, aver vonavend oder morgen kann ik de Steden rutsöken. --::Slomox:: >< 11:24, 2. Dez 2011 (CET)

Heinrich Teut vertekent för Land Hadeln Bartelmees’ as Naam von'n 24. August. Wossidlo-Teuchert hett de Formen Bartelmeis, Bartelmeesk, Barremeis, Barromeis, Battelmeis, verkürzt Bartel un Bartelmei för den Hilligen sülvs un för den 24. August. Robert Laude för Hinnerpommern hett Bartel för den 24. August. Ludolf Parisius för de Middelmark hett de Formen Bárthelmee un Bartholomée för den 24. August. Klaus-Werner Kahl hett för dat Mönsterland Battelmä as Vörnaam un för den 24. August. Willy Lademann hett för Telte Battlmä för den 24. August. Schambach hett för Göttingen-Grubenhagen Bartelmeives för den 24. August. Woeste vertekent för Westfalen dat Woord bartlemêbuəter, wat en Soort Botter is, de an'n 24. August maakt worrn is. Karl Bauer hett för Waldeck bārt^elmeí för den 24. August. --::Slomox:: >< 15:38, 4. Dez 2011 (CET)

To de Formen ahn s is noch to seggen, dat de von de Dativform Bartholomäi afkaamt. --::Slomox:: >< 15:39, 4. Dez 2011 (CET)