Diskuschoon:Barnsdorp

Ik hebb den Text an de Orthografie vun Johannes Sass sien Wöörbook anpasst. Wi hebbt in de Wikipedia utmaakt, dat wi disse Schrievwies bruukt, dormit ok Lüüd, de nich alle regionalen Dialekten kennt, de Texten beter lesen köönt. --::Slomox:: >< 17:29, 9 November 2005 (UTC)

Is okay. Bitte lass aber auch eine ostfälische Variante zu. Damit sich alle, die das PLatt der dortigen Gegen sprechen, hier auch wiederfinden können! Es wäre mehr als schade, wenn Ihr Wikipedianer jetzt nur noch ein einziges Plattdeutsch erlaubt!!

Ik weet, dat is argerlich, wenn'n nich sien egen Platt bruken dröff. Aver twee Versionen in'n Artikel is keen gode Lösung. Ik hebb ünner Wikipedia:Sass wat dorto schreven (hebb ik al lang vörhatt, de Sass-Regel is jümmer wedder en Punkt, de verkloort warrn mutt). --::Slomox:: >< 18:15, 10. Nov 2005 (UTC)

Ji sünt mik all 'n betchen tau "deutsch", Ji Wikipedianers. Dat Nedderdüütsche is ne Spraake, dä is lebennig und laat sik nich in aain DUDEN pfrimeln un naa Paragraafen schreem. Et gifft numal dat Ostfälsche, dat Westfälsche, dat Nordneddersassische un aal de annern nedderdüütschen Spraaken. Dat warrt ook Ji nich mehr ännern. Livius

Dat wullt wi ok gor nich ännern. Dat Oostfäälsche, dat Westfäälsche, dat Noordneddersassische un all de annern nedderdüütschen Spraken schall dat ok in Tokumst geven. Wikipedia is ja en Enzyklopädie. De mutt licht to verstahn wesen. Ok wenn een nich alle Dialekten kennt. Wi wullt ok gor nich en Regularium as den Duden opstellen, wo all'ns verkehrt is, wat dor nich binnen steiht. De Sass gifft blot Regeln an, woans du de enkelten Wöör schrieven schallst, nich welke Wöör du schrieven schallst. Ik hebb mi ok schüddelt, as ik dat eerste Maal wesen un nich ween schreven hebb. Aver na korte Tiet hest di dor an wöhnt un denn deist du ok ween lesen, wenn dor wesen steiht. --::Slomox:: >< 18:26, 11 November 2005 (UTC)

Dat glöveste doch sülwens nich, dat de mannigfaltigen plattdütschen Spraaken bestaahn blie'm, wenn Ji nur aaine Schrievwiese taulött. Ik glöwe, dat je'n Plattdütschen verstahn kunn, wat wi twaai eschreem harrn. Wie bruket naain nedderdütschet Esperanto, wi bruket Minschen, dä sau schrivet, dat aal de veel'n nedderdütschen Spraaken öre aaijene Marke behall'n künnt. Livius

Mi dücht, du hest gor nich richtig lesen, wat ik schreven hebb. Wat schall den dor utstarven? Dat geiht doch eenzig üm de Wikipedia. De hett nich de Macht an de Spraak wat to ännern. Wenn dor wat nich bestahn blifft, denn weer dat nich de Wikipedia, de Schuld hett. De Grünn staht op Wikipedia:Sass. Dat jeedeen Plattdüütschen dat verstahn kann, wat du schreven hest, glööv ik nich. Un wenn doch, denn bruukt dat tominnst en Momang bet een markt, dat öre aaijene dat lieke as ehr egene is. Ik verstah di also, ik bruuk aver veel mehr Tiet, üm den lieken Text to lesen. --::Slomox:: >< 18:32, 14. Nov 2005 (UTC)

Ik hebb dat nu wedder to Sass ännert. Dat twee Versionen keen Sinn maakt, hebbt wi nu ja al sehn. Du hest blot een Version utboot un de twete weer op mal nich mehr lieks. Dat klappt eenfach nich. --::Slomox:: >< 16:29, 18. Nov 2005 (UTC)

Un ik hebbe nu nochemal de ostfälsche Version dortau esrieven. Dat maket in jeen Falle Sinn. Un ik hebbe mik ook de Artikel över "Sass" annekeeken. Et mach sien, dat sik de "Fachlüüe" ut Ollnborch, Hamborch un Sleswig-Holsteen up düsse Srievwiese vorrstännigt hebbn. Blots: dat sünd all Lüü ut'n Nordneddersassischen. De kümmere sik nich üm't Ostfälsche. Nei'n Minsche ut'n Ostfälschen finn't sik bi düsse Srievwiesen wedder. Dat klinge ümmer wedder as sau'n "NDR-Platt" oder "Ohnesorg-Platt". Dat hebbt awer mit'n Ostfälschen nist te daun. Livius

Een Henwies noch mal: En Signatur mit Naam un Datum maakst du mit --~~~~.

Segg mi mal, woans du de Problemen lösen willst, de ik op Wikipedia:Sass dalschreven hebb. Twee Versionen mööt ok jümmer, wenn wat an de Siet maakt warrn schall, beid ännert warrn. 'Keen sorgt dorför, dat dat ok maakt warrt? --::Slomox:: >< 19:29, 25. Nov 2005 (UTC)