Diskuschoon:(934) Thüringia
Dat hett verscheden Scheep geven, de as Thüringia lopen sünd. Twee sünd föhrt, bevör Baade boren is. Von de annern twee is dat een von 1906 bet 1914 lopen un dat annere von 1922 bet 1930 (en:SS Thuringia (1922)).
Wenn de Asteroid glieks 1920 sien Naam kregen hett, mutt dat dat Schipp ween, dat von 1906 bet 1914 lopen is. Wenn de Asteroid eerst later nöömt worrn is, kann dat ok dat annere ween hebben. Kriegt wi dat rut, wat för en Schipp dat weer? --::Slomox:: >< 09:41, 8. Okt 2019 (CEST)
- Veele Asteroiden hebbt jemehrn Naam eerst veel later kregen. Faken ok al lang nadem de Opdecker doodbleven weer. Dat weer so en Saak mit de Naams… Eerst harrn de all Naams vun Fronslüüd, man laterhen weern so veele Asteroiden opdeckt, dat de Lüüd mit dat Utsöken vun Naams nich mehr achteran keemen. Denn sünd se ok op Naams vun Mannslüüd övergahn oder hebbt abstrakte Begrepen dorto nahmen. Welke Opdeckers hebbt ok mit Afsicht keen Naam vergeven, üm later noch de Mööglichkeit to hebben. Un manchmol warrt Asteroiden ok eerst veel later identifizeert, wenn de Opdecker lang al doot is – en Tall kriggt se eerst wenn de Ümloopbahn bestimmt un bekannt is.
- Vun dorher: dat warrt woll swoor, dat ruttofinnen, wat dat nu nipp un nau för en Schipp wesen is. Ofschoonst de Born hier tomindst noch en Ansatz lett. Wenn een weten deit, wokeen vun de Kapteins Amateurtastronom weer, denn is de Fall kloor. Man, wo schall een so wat nakieken? --Iwoelbern ✍ 10:05, 8. Okt 2019 (CEST)
- Wenn dat angahn kann, dat de Naam eerst later vergeven worrn is, denn sprickt veel för dat Schipp von 1922. As dat annere Schipp ut’n Deenst nahmen worrn is, weer Baade en Jungkeerl von 21 Johr. Nich so wohrschienlich, dat he dor al twee Amerikareisen achter sik harr. Un dat Dictionary of Minor Planet Names seggt ja ok during the 1920’s.
- Hier steiht, dat Baade in’n Februar 1926 mit en Schipp von Hamborg na New York reist is un an’n 14. Februar ankeem. Baade hett dor denn een Johr mit en fellowship in Harvard un Cambridge tobröcht.
- De Thüringia weer to düsse Tied in’n Hamborg–New York-Deenst insett. Dat passt also good. Bewiesen deit dat aver natürlich nix. --::Slomox:: >< 12:32, 8. Okt 2019 (CEST)
- Hier seggt dat Book doch temlich konkret, dat he in’n Februar 1927 op de Thüringia trüggföhrt is. Dat reckt as Nawies, oder? --::Slomox:: >< 12:34, 8. Okt 2019 (CEST)
- Tomindst wiest dat teemlich düütlich dorop hen. Ik weet nich recht, woans man dat rutfinnen kann, wanneer de Asteroid sien Naam kregen hett. Ik kiek mol, wat ik dorto finnen kann. --Iwoelbern ✍ 12:42, 8. Okt 2019 (CEST)
- Mi is dor jüst wat opfallen: De Asteroid (933) Susi is in’n Februar 1927 opdeckt worrn. As ik baven seggt heff, kriegt de Asteroiden jemehr Tall de Reeg na, wenn de Bahn akkeraat noog bestimmt worrn is. Dat heet, dat (934) Thuringia al 1920 opdeckt weer, man eerst 1927 oder later (neemlich na’t Opdecken vun (933) Susi) de Bahn nipp un nau bekannt weer. Dat MPC wiest hier en List mit Beobachten vun dat Objekt, und dor is to sehn, dat (934) Thuringia in’n März 1927 vun Uccle ut beobacht weer. Dat lett dorop sluten, dat de Asteroid wohrhaftig eerst 1927 sien Tall kregen hett. Un vörher kann he noch keen Naam kregen hebben… --Iwoelbern ✍ 12:50, 8. Okt 2019 (CEST)
- De Artikel to (933) Susi seggt, dat de Naam "recycelt" worrn is, nadem rutkamen is, dat (933) Susi de sülve Asteroid is as (715) Transvaalia. (933) Susi is also eerst later tokamen un de annern Asteroiden üm 934 rüm sünd all ut dat Johr 1920.
- Aver dat mit Uccle is villicht liekers de Grund, dat Baade sik Gedanken över den Naam maakt hett un an sien Ozeanreis een Maand vörher dacht hett... --::Slomox:: >< 13:44, 8. Okt 2019 (CEST)
- Dat heff ik översehen. Bi (933) Susi bün ik noch nich wesen. De kummt aver bald… Denn lett dat woll doch eher so, as wenn de Bahn vun (934) teemlich gau na’t Opdecken al bekannt weer, vunwegen dat de Asteroiden, de dorna jemehr Tall kregen hebbt ok all 1920 opdeckt weern. Dat seggt aver liekers nix doröver, wanneer he denn ok en Naam bi de Tall kregen hett. Ik mutt woll doch noch mol wietersöken. Dat mutt doch ruttofinnen wesen, wanner de Naam vergeven worrn is... --Iwoelbern ✍ 13:58, 8. Okt 2019 (CEST)
- Aver wenn een dat mol so överleggt, dat Baade dör de Fohrt op dat Schipp op den Infall kamen is, den Kaptein vun de Thüringia den Naam utsöken to laten, un he 1926–1927 in de USA weer, denn snackt doch allens dorför, dat de Naam to de Tiet fastleggt worrn is. De offiziellen Narichtenblööd vun’t MPC fangt eerst af 1947 an. Dat kann goot wesen, dat de fröheren Informatschonen online nich to kriegen sünd. --Iwoelbern ✍ 14:06, 8. Okt 2019 (CEST)
- So richtig wichtig is dat ja ok nich. Ik frei mi blots jümmer, wenn ik twee lose Ennen tohoopknütten un Artikels verbinnen kann ;-) --::Slomox:: >< 14:12, 8. Okt 2019 (CEST)
- To de Fraag, ’keen Koptein von de Thuringia weer: dat weer Friedrich Buch. 1924 wohrschienlich Koptein op de Westphalia, denn op de Thüringia. 1927 is he Koptein von de Cleveland worrn un 1929 op de St. Louis, wat he bet Februar 1939 bleven is, as he dör de Gestapo von Boord haalt worrn is. Na em hett Gustav Schröder de St. Louis övernahmen, de denn to de de:Irrfahrt der St. Louis opbraken is. In de Tied, in de he Koptein von de St. Louis weer, hett he as Koptein ok op Fohrten von de Deutschland dat Leid hatt.
- Dat he sik för Astronomie intresseert hett, dor heff ik nix över funnen... --::Slomox:: >< 15:20, 8. Okt 2019 (CEST)