Detten (Kreis Stemmert)

Vun Wikipedia
Wapen/Flagg Koort

Wapen vun Detten

Detten
Laag vun Detten in Düütschland
Basisdaten
Bundesland: Noordrhien-Westfalen
Regerungsbezirk: Mönster
Kreis: Stemmert
Flach: 72,06 km²
Inwahners: 35.927 (2021-12-3131. Dezember 2021)
Inwahnerdicht: 498,6 Inwahners pro km²
Hööchd: 45 m över de See
Postleettall: 48282
Vörwahl: 02572
Geograafsche Laag:
Koordinaten:52° 10′ N, 7° 32′ O
52° 10′ N, 7° 32′ O
Grenzen bi OSM: 155714 155714
Gemeenslötel: 05 5 66 008
UN/LOCODE: DE EDN
Öörd in de Gemeen: 8
Börgermeester: Oliver Kellner
Websteed: www.emsdetten.de
Karte

Detten (up Haugdüütsk Emsdetten) is ene Stad in Westfaolen an de Iäms, 24 km nüördlik van Mönster. Nao Rene en Graiwen is Detten de Stad met de diärdemiärsten Inwuëners in’t Landraodsamt Stemmert.

Geografie[ännern | Bornkood ännern]

De Kiärk Sünt Pankrats

Laoge[ännern | Bornkood ännern]

Detten lig in Nuordrien-Westfaolen in’t Landraodsamt Stemmert. De Stad in dat Nuorddüütske Leegland lig westlik van de Iäms, blaus de Staddeel Siëningen lig austlik van de Iäms.

Naobergemainden[ännern | Bornkood ännern]

De Naobergemainden sint Rene, Hüörsel, Saorbiek, Graiwen, Nordwol, Stemmert un Nienkiärken.

Stadtdele[ännern | Bornkood ännern]

  • Aolinnel
  • Austum
  • Hembiärgen
  • Hollingen
  • Isendorf
  • Siëningen
  • Veltrup
  • Westum

Geschicht[ännern | Bornkood ännern]

1200 v.Chr. wuënden de iärsten Mensken in düsse Stiär. In't Jaor 1178 is de Naome van düsse Gemainde dat iärste Maol in ene Urkunne äs Thetten upschriëwen wuorn. Düör de swatte Daud is 1580 binao dat heel Duorp uutstuowen. Guët un wal 100 Jaore läter, in 1688, vöstuwerde en graut Füer en Deel van de Gemainde. Van dat 17. bes to dat 19. Jaorhunnert vödainden viele Bewuëner üören Liäwensunnerholt äs Wannenmaker. Wannen sint flacke Küörwe, de bruukt wüörn üm Kaorn nao het Düörsken van het Kaf to scheden. De Bau van de Isenbaanlinning Mönster-Emden in 1856 lait de Gemainde gau wassen. Daornao en bes in de iärste Halwschaid van dat 20. Jaorhunnert was Detten van Belang för de Jütinnustrie. Van 1938 af an draw Detten sik Stad näömen. An'n 1. Haimaonddag 1969 wüör Hembiärgen en Deel van Detten. An'n 1. Jannuar 1975 mosse Saorbiek 3,5 km² an Detten aftriäten. An'n 20.November 2006 is en daomaolige Schöler van de Geschwister-Scholl-Schule düördrait. He seerte 6 Mensken duor Schüëte. Achternao schot he sik daud.

Poltik[ännern | Bornkood ännern]

Stadraod[ännern | Bornkood ännern]

De Stadraod häw van 2020-2025 40 Sitte. Büörgermester Oliver Kellner van de Grönen is de Vüörsitter.[1]

Sitte in dän Stadraod:

Woppen[ännern | Bornkood ännern]

Dat gröön Woppen is düör en sülwern Wellenbalken van buoben vüörn nao unnen ächten deelt. He stait för de Laoge an de Iäms. Buoben is en sülwern Wannenmakerisen to sain en unnen en sülwern Wiäwerschipken. Dat Wiäwerschipken stait för de Tüüginnustrie uut dat völieden Jaorhunnert.

Partnersteden[ännern | Bornkood ännern]

  • Nedderlannen (Europa)Nedderlannen (Europa) Hengelo, Nedderlanne (siet 1991)
  • PolenPolen Chojnice, Polen (siet 1996)

Spuort[ännern | Bornkood ännern]

De Handballmanschup van dän TV Emsdetten spiëlt siet de Spiëltiet 1985/86 in de 2.Bundesliga. 1989/90 sint se in de Rägjonalliga West afstegen en een Jaor later aal wier upstegen. 2013/14 spiëlde de Vöain för een Jaor in de 1. Bundesliga.

Kultuur[ännern | Bornkood ännern]

Dat Wannenmakermuseum

De Vöain „DettenRockt e. V.” stelt siet 2005 jeed Jaor dat DettenRockt-Festival up de Bene.

In't Wannenmakermuseum kan enen sik siet 1985 üöwer de Wannenmakeri klook maken.

Weblinks[ännern | Bornkood ännern]

Naowise[ännern | Bornkood ännern]

  1. Der Rat der Stadt Emsdetten. In: emsdetten.de. Afropen an’n 12. Januar 2021. (Haugdüütsk)