Claus Jurichs

Vun Wikipedia

Claus Jurichs (* 28. März 1935 in Berlin; † 31. März 2005 in Meschede) weer en düütsch Schauspeler un Synchroonsnacker.

Leven[ännern | Bornkood ännern]

De Söhn vun en Kuusendokter hett anfangs en Medizinstudium makt un en Praktikum as Dentist makt, bevör he de Max Reinhardt-Schauspeelschool in Berlin absolveert hett. Dorbi kreeg he Schuspeelünnerricht vun Lucie Höflich un Hilde Körber. 1955 geev he in Bremen sien Theaterdebut. Dornah folgten Engagements in Leipzig, Meiningen un Berlin.

Af 1959 kreeg Jurichs gröttere Rullen bi DFF-Produktschonen un wurr in de DDR dör Rullen in Reise ins Ehebett oder Papas neue Freundin en breedt Publikum bekannt. Ok nah de Müerbau weer de West-Berliner Jurichs noch in Ost-Berlin för Filmproduktschonen tätig. Later hen weer he vor allen in TV-Produktschonen as Nonstop Nonsens, de Jöögdserie Peter ist der Boss oder de Krimiserien Liebling Kreuzberg un Im Namen des Gesetzes to sehn.

Dorneben weer Claus Jurichs as Schriever, Moderator un siet 1960 veertig Johr lang ganz völ de Synchroonbranch tätig. Dorbi lehn he sien Stimm prominenten Kollegen as Terence Hill (u. a. in Die Nibelungen oder Winnetou 2), Lex Barker (Tarzan, Verteidiger des Urwalds), James Caan (El Dorado), Robert De Niro (Wo Gangster um die Ecke knallen), Alec Guinness (Geheimnisvolle Erbschaft) oder ok Robin Hood in de Tekentrickversion vun Walt Disney. Besünners bekannt is sien Stimm aber för den ewigen Verleeser Cliff Barnes (Ken Kercheval), de he över völ Johren in de TV-Reeg Dallas synchroniseert hett. Glieks düppelt beschäftigt weer Jurichs mit de US-Krimiserie Hawaii Fünf-Null, bi de he 244 Folgen lang Synchroonregie führ un todem noch de Hööftrull Jack Lord as Steve McGarrett, synchroniseert hett.

Nlangenbi weer Claus Jurichs ok noch prüüft Rettungsswemmer un passioneert Motorsportler. 1966 wurr he Berliner Wagenmeester, siet 1964 harr he en internatschonale Lizenz för Motorsport un a 1975 weer he todem noch Instruktor bi Fohrlehrgänge.

Filmografie (Utwahl)[ännern | Bornkood ännern]

Johr Titel
1954 Ihre große Prüfung
1960 Papas neue Freundin, Feernsehn
1961 Vielgeliebtes Sternchen, Feernsehn
1962 Oh, diese Jugend, Feernsehn
1964 Titel hab’ ich noch nicht, Feernsehn
1966 Reise ins Ehebett
1971 Blutjunge Verführerinnen
1977 Kante, Feernsehn
1978 Captain Future, Stimm, Feernsehreeg
1980 Hungerjahre – in einem reichen Land, Feernsehn
1990 Oh-Mathilde, Feernsehreeg
1997 Das Geheimnis der Kormoraninsel

Weblenken[ännern | Bornkood ännern]