Clas Thunberg
Arnold Clas Robert Thunberg (* 5. April 1893 in Helsinki; † 28. April 1973 ok dor) weer en finnisch Iesflinklöper.
Werdegang[ännern | Bornkood ännern]
Thunberg fung eerst mit 18 Johren mit dat Iesflinkloopen an. In de Tiet van 1922 bit 132 weer he en vun de spoodriekste Löpers un wunn bi de I. Olympisch Winterspelen 1924 in Chamonix fiev Medaillen (3 x Gold, 1 x Sülver, 1 x Bronze) as ok de twee wiedere Goldmedaillen 1928 in St. Moritz.
Doröver rut weer he fievmal Welt- un veermal Europameester. Noch in dat Öller van 42 Johren nehm he 1935 an de Iesflinkloop-Weltmeesterschapen in Oslo deel.
He hett insgesamt veer Weltrekorde up, vun de de Besttiet över de aber selten loopen Distanz vun 1.000 m ut dat Johr 1930 eerst 25 Jahre later dör Jewgeni Grischin verbetert wurr.
Wat he schafft hett[ännern | Bornkood ännern]
- 1922 Europameester, WM-Dart (Mehrkamp)
- 1923 Weltmeester, Viez-Europameester (Mehrkamp)
- 1924 Olympisch Goldmedaillen (1.500 m, 5.000 m, Mehrkamp), olymp. Sülverrmedaille (10.000 m), olymp. Bronzemedaille (500 m), Viez-Europameester (Mehrkamp)
- 1925 Weltmeester (Mehrkamp)
- 1927 Viez-Welt- un Viez-Europamester (Mehrkamp)
- 1928 Olympisch Goldmedaillen (500 m, 1.500 m), Welt- un Europameester (Mehrkamp)
- 1929 Weltmeester, Viez-Europameester (Mehrkamp)
- 1931 Welt- un Europameester (Mehrkamp)
- 1932 Europameester
Dorto weer he ok noch fiev mal finnisch Meester in’ Mehrkamp (1920, 1922, 1924, 1927 un 1928). Nah dat Enn’ vun sien Loopbahn weer he ok noch Liddmaat vun dat finnisch Parlament (Eduskunta).