Charles Royds
.jpg)
Charles William Rawson Royds KBE (* 1. Februar 1876 in Rochdale, Lancashire; † 5. Januar 1931 in London) weer en Offizier vun de Royal Navy, de later för de Metropolitan Police in London tätig weer.
Leven
[ännern | Bornkood ännern]Nah de Besöök vun de Eastman's Royal Naval Academy in Southsea fung he in‘ Juni 1892 sien Utbillen to’n Seekadetten up de HMS Conway an. Twee Maand later deen he up den Krüüzer HMS Immortalité, de för de Kanal-Flotte insett weer. As Midshipman deen he buterdem up de Krüüzer HMS Australia un HMS Barfleur. In‘ September 1896 wurr he to’n Sub-Lieutenant befördert. 1897 deen he up den Krüüzer HMS Champion. 1898 wurr he all to’n Lieutenant befördert. Mit en Grund dorför weer sien geschickt un umsichtig Verhollen as Kommandant vun en Boot, dat en in de Baltisch See över Bord gahn Mann retten dee. 1899 segel he to de Westindisch Inseln an Bord vun de HMS Crescent.
Van 1901 bit 1904, weer Royds First Lieutenant up de RRS Discovery bi de Discovery-Expedition in de Antarktis ünner de Führung vun Robert Falcon Scott. Dat Cape Royds in de Antarktis wurr dorbi nah hüm nömmt. In‘ November/Dezember 1903 ünnernehm he dorbi as Baas vun en söss Mann umfaaten Mannschap an en dartig Daag lang düern Erkunnensmarsch in süüdöstliche Richt över dat Ross-Schelfies deel, bi de ünner annern ungestört vun Landmassen oder ferromagnetisch Misswiesen geomagnetisch Meeten dörführt wurrn.[1] Eenige vun de meteorologischen un magnetologischen Arbeiten wurrn later aber as dilettantisch un to ungenau kritiseert.[2] Scott sülvst betekent de Arbeiten vun sien leiten GeographenCharles Royds as entsetzlich schlampig.[3]
Nah de Expeditschoon hett Royds sien Deenst up dat Schlachtschipp HMS Bulwark in de Middellannsche See versehn, un 1907 up de HMS King Edward VII in de Kanalflotte. In‘ Juni 1909 wurr he Executive Officer in‘ Rang vun en Commander. In‘ Januar 1911, nu as Eerster Executive Officer, hett he sien Deenst up dat Schlachtschipp HMS Hercules leist un in‘ August 1913 up de HMS Iron Duke, en nee Kriegsschipp u nto glieker Tiet ok Flaggschipp vun Admiral Jellicoe.
An‘ 31. Dezember 1914 wurr Royds ro’n Captain nömmt un wurr 2. Kapitän vun de Flotte (Flag Captain) ünner Admiral Sir Stanley Colville, för Orkney un Shetland. All söss Maand later kreeg he dat Kommando över dat Schlachtschipp HMS Emperor of India, en all recht wichtig Kommando för en recht jungen Kapitän. Dit Kommando behull he bit Januar 1919. För sien Verdeenste in‘ Eersten Weltkrieg wurr he an‘ 3. Juni 1919 mit den Order of St. Michael and St. George uttekent. Nah en kört Deensttiet in Dover, weer je denn van‘ 2. Januar 1921 bit to hör Sluuten Mai 1921 Captain vun dat Royal Naval College Osborne. Af den 17. Mai 1921 weer he Direktor för Training un Sport in de Admiralität, wobi he sien ölleren Bröer Percy (later ebenfalls Admiral) in disse Tätigkeit aflösen dee. Sien letzt Insatz för de Royal Navy weer van Oktober 1923 bit 15. Oktober 1925 as Commodore vun de Royal Naval Barracks in Devonport.
An‘ 1. Januar 1926 folghe up Sir James Olive as Assistant Commissioner "A" un Deputy Commissioner vun de Metropolitan Police Service. In‘ März vun dat glieker Johr is he bi de Royal Navy in‘ Rang vun en Rear-Admiral utscheeden. Dree Johr later, an‘ 3. Juni 1929, kreeg he den Knight Commander of the Order of the British Empire (KBE). 1930 wurr he noch to’n Viez-Admiral vun de Reserve erhaben.
An‘ 5. Januar 1931 is he an en Hartinfarkt in London storven.
Privates
[ännern | Bornkood ännern]De langupschaaten Royds hett 1918 de Wittfru un ehmalge Schauspelerin Mary Louisa Blane heiraadt. Dat Paar harr en Dochter, Minna Mary Jessica Royds. Bi sien Antarktis-Mission wur ünner annern ok sien musikalisch Talent besünners erwähnt.
Nahroop
[ännern | Bornkood ännern]- Nahroop in The Times, 6. Januar 1931
Weblenken
[ännern | Bornkood ännern]- ↑ Scott: The Voyage of the Discovery, Vol II, 1905, S. 222–223.
- ↑ Huntford: The Last Place on Earth, 1985, S. 229–230.
- ↑ Crane: Scott of the Antarctic, 2005, S. 392–393: dreadfully slipshod