Cay

Vun Wikipedia

Dit Woort hett noch annere Bedüden: kiek dorför ünner Cay (Mehrdüdig Begreep).

Heron Island (Australien)

En Cay ok Key oder Caye (allens as [kiː] utspraken) oder spaansch Cayo is en lütte, flacke Insel ut Sand oder ut den Gruus vun Korallen.

De Naam Cay (oder Caye) warrt in de Karibik faken bruukt, t.B. bi Rum Cay (Bahamas) oder Caye Caulker in Belize). Aver ok bi de Koralleninseln vun't Great Barrier Riff warrt af un an vun Cays snackt.

Bekannter sünd de Cays, de de Inselkeed vun de Florida Keys in den US-Bundesstaats Florida billt, t.B. Key West.

De Cays warrt op de Basis vun en Riff billt. De Tieden un de Wind dreegt den Gruus tosamen un so billt sik so en Insel tomehrst op de Leesiet vun't Riff. Dat Weder hett en groot Inwarken op so en lüttje Insel. Gröte Bülgen köönt mehr Material op de Insel sammeln. Dat kann aber ok angahn, dat de dör en Hurrikan kumplett in'e See spöölt warrt.