Bryan Daniel O’Connor

Vun Wikipedia
Bryan Daniel O’Connor

Bryan Daniel „O.C.“ O’Connor (* 6. September 1946 in Orange, Kalifornien) is en ehmalger US-amerikaansch Astronaut.

O’Connor kreeg 1968 en Bachelor in Ingenieurwesen vun de United States Naval Academy un 1970 en Master in Luftfohrttechnik vun de University of West Florida.

O’Connor is in’ Juni 1968 in dat United States Marine Corps intreeden. Dor hett he 1970 sien Utbillen to’n Marinefleger un 1975 to’n Testpiloten afslooten. As Pilot weer he in de USA, in Europa un in’ im Westpazifik statschoneert, as Testpilot weer he vör allen an de Erprobung vun Senkrechtstartern, as dat Kampfloogtüüch Harrier bedeeligt.

Astronautentätigkeit[ännern | Bornkood ännern]

In’ Mai 1980 wurr O’Connor vun de NASA as Astronautenanwärter utwählt. He hett denn de eersten Space Shuttle-Missionen in verscheeden Beriek ünnestütt. Nah de Challenger-Katastrooph weer he an deren Upklärung bedeeligt. In’ März 1986 wurr he Assistent vun den Space Shuttle-Programm-Manager un eerst Vörsitter vun dat nee Space Flight Safety Panel vun de NASA. Af Februar 1988 weer he stellvertreeden Baas vun de Afdeelen Flight Crew Operations.

STS-61-B[ännern | Bornkood ännern]

An’ 27. November 1985 is O’Connor as Pilot vun de Ruumfähre Atlantis to sien eersten Floog in’t All ünner dat Kommando vun Brewster Shaw in’t All start. Bi disse Mission wurrn de dree Kommunikatschonssatelliten MORELOS-B (Mexiko), AUSSAT-2 (Australien) und SATCOM KU-2 utsett. Bi twee Butenbordaktivitäten hemm sien Astronautenkollegen Jerry Ross un Sherwood Spring Verfohren to’n Tosommenbau vun Konstruktschonselementen in’ Weltruum utprobeert. De darte Missionsspezialist weer Mary Louise Cleave. Dorto keemen de Bruuklastspezialisten Rodolfe Neri Vela ut Mexiko un Charles David Walker vun McDonnell Douglas.

STS-61-M[ännern | Bornkood ännern]

De Mission STS-61-M vun de Challenger harr in’ Juli 1986 en TDRS-Satelliten in’t All bringen sullt. De Crew sull ut Loren Shriver, Bryan O'Connor, Mark Lee, Sally Ride, William Fisher, den US-Industrieastronauten Bruuklastspezialist Robert Wood un en Meteoroloog vun de US-Luftwaffe (een ut de Dree-Mann-Grupp ut Grant Aufderhaar, Fred Lewis, Ronald Townsend) bestahn. Nah de Challenger-Katastrooph wurr disse Floog afseggt.

STS-40[ännern | Bornkood ännern]

Sien tweet un letzt Ruumfloog fung an’ 5. Juni 1991 an. O’Connor is an dissen Dag as Kommandant mit dat Space Shuttle Columbia to de Mission STS-40 start. Pilot weer Sidney Gutierrez. Dorto keemen de Missionsspezialisten Rhea Seddon, James Bagian un Tamara Jernigan as ok de beid Bruuklastspzialisten Drew Gaffney un Millie Hughes-Fulford.

Dat weer de fievte Spacelab-Mission, de eerste, de sück ahn Utnahm mit Biowetenschapen befaaten dee. Dat wichtigst Experiment weer Spacelab Life Sciences-1. Dorbi wurrn physiologisch Ünnersöken an Minschen, 30 Gnaagdeerten un dusenden winzig Quallen dörführt. Vun de 18 Eenzelexperimenten hemm sück teihn mit de Minschen, söben mit de Gnaagdeerten un een mit de Quallen befaat.

Nah sien Utscheeden ut dat Astronautenkorps[ännern | Bornkood ännern]

In’ August 1991 is O’Connor ut de NASA utscheeden un wurr kommandeeren Offizier vun dat Marine Aviation Detachment up dat Naval Air Test Center. 1992 kehr he to dat NASA-Hööftquartier nah Washington torüch un wurr Deputy Associate Administrator for Space Flight. In’ Sömmer 1992 wurr he Baas vun de Delegatschoon, de in Moskau de Rahmenbedingen för dat Shuttle-Mir-Programm uthanneln dee. In’ März 1993 wurr he Direkter för dat Space Station Redesign. In disse Positschoon hett he entscheeden Umgestalten un Insparen bi de Internatschonale Ruumstatschoon empfahlen, dormit dat Projekt nich vun den Kongress afseggt wurrn dee. In’ September 1993 wurr he bit to de Ernennung vun en hööftamtlichen Direkter in’ Januar 1994 kommissarisch to’n Direkter vun dat TRuumstatschonsprogramm nömmt.

In’ April 1994 wurr O’Connor to’n Direkter vun dat gesamte Space-Shuttle-Programm bestimmt. In’ Februar 1996 hett he de NASA weer verlaaten un hett denn för de private Luftfohrtfirma Airship Resources Corporation as ok för de Beraderfirma Futron Corporation arbeit. 2002 kehr O’Connor weer to de NASA torüch un wurr Baas vun dat Büro för Safety and Mission Assurance.

Privates[ännern | Bornkood ännern]

Bryan O'Connor is verheiraadt un hett twee Kinner.

Weblenken[ännern | Bornkood ännern]

Bryan D. O'Connor. Mehr Biller, Videos oder Audiodateien to’t Thema gifft dat bi Wikimedia Commons.