Bruker Diskuschoon:Sassisch

Moin Reinhard, du hest bi de Freudenthal-Sellschop ja dien Siet http://lowlands-l.net/plattewelt/freudenthal.htm rinsett. Nu heff ik sehn, dat dor wat vun Salta för Soltau steiht. Is dat de plattdüütsche Naam, so as he in de Stadt bruukt warrt? In't Internett sünd welk Sieden to finnen, de dat so bruken doot, man nich so veel, dat ik mi seker bün. Un denn is de Form man en beten spöönsch (bün ik tominnst vun Menen). Ik weet noch nichmal, wie ik dat utspreken mutt. Salta... In uns Dialekt is dat op jeden Fall keen Woort. Dat geiht in mien plattdüütschen Mund gornich rin. Kannst du mi dat seggen, wie warrt dat utspraken? Warrt de Naam noch jümmer jüstso bruukt? Is de Naam vun'n Kreis denn ok Salta-Fallingbossel? Is dat klook, de 24 Sieden, bi de Soltau schreven steiht, op Salta to ännern? --::Slomox:: >< 00:03, 11. Okt 2007 (CEST)

Ja, 'n paar Minschen harrn mi vertellt, dat de Plattnaam för Soltau "Salta" is, un ik heff dat denn ook so schräven. Up 'n Kart heff ik 't ook so funnen. :Mi dücht, dat was ehrmaals "Solta" ("Solt-Aa") un dat "o" is later to'n "a" worrn.

~sassisch

Ünnerschrieven

Moin Sassisch, du hest nu bi diene letzten Bidrääg in'e Artikels jümmer dien Ünnerschrift mit rinsett (mit --~~~~). Bruuk de Ünnerschrift doch bitte blot bi de Diskuschoonssieden un nich bi de Artikels. --::Slomox:: >< 13:25, 19. Mai 2008 (CEST)

Dubbelt Artikel

Moin!

Bevör Du Di wieter ümsünst Arbeit maken deist: dat gifft in de Wikipedia Wiederleideungssieten. De sünd dorför dor, dat een ok ünnerscheedliche Schrievwiesen bruken kann, de aver opletzt doch wedder na den Artikel henlenken doot. Dat is nich nödig, en Artikel dubbelt to schrieven, blots üm twee Schrievwiesen aftodecken. Dat is nich blots nich nödig, man ok nich wullt. Dat gifft anners blots Kuddelmuddel, und wenn mol wat ännert oder toföögt warrt, kriegt wi licht teemlich verschedene Artikels. dat wüllt wi natürlich nich...

Ik denk mol Kaschuubsch is de richtige Schrievwies na Sass. Denn warrt ik den annern Artikel as Wiederleiden inrichten. --Iwoelbern 19:52, 7. Aug. 2008 (CEST)

Heern

Worüm kopeerst Du den Text dor wedder rin? Ik heff doch jüst den Artikel schaven, dormit dat eenheitlich is. --Iwoelbern 20:08, 13. Aug. 2008 (CEST)

Kannst Du bitte mol ophören mit den Tüdelkram? Dat gifft ok in de plattdüütwsche Wikipedia en poor Regeln. --Iwoelbern 20:13, 13. Aug. 2008 (CEST)

Dat is ok mol'n intressanten Weg. An Steed eenfach mol in de Bruker-Diskuschoon to antwoorden und dat ordig to klären, wat verkehrt lopen is, warrt also lever Nettbrefen an Heiko schreven... Dat is ok mol'n Oort un Wies sik mit Saken uteneen to setten.

Üm dat noch mol to verkloren - as ik dat al bi’t Schuven schreven harr: Heren is de richtige Schrievwies na Sass - so steiht dat in’t Wöörbook binnen. Dat mol blangeto. De Grund för't schuven weer aver: Dat drieht sik in den Artikel üm en Geslecht vun de Fisch. Un Geslechter schrievt wi normalerwies in de Mehrtall. Dorüm heff ik dat schaven. Dat hett rein gor nix mit Anblaffen to doon, man dat is blots en Korregeeren vun en Fehler. as dat hier normal un begäng is. De olle Schrievwies Heern blifft as Wiederleiden stahn, so kann een ok dat verlenken un kummt na den richtigen Artikel hen. Wat nu aver överhaupt nicht wesen mutt is, dat wi den sülven Text as'n Kopie nochmol wedder hebbt. und dorüm hebb ik dat wedder torüchdreiht. Dat heff ik wieter baven op disse Siet al mol ansnackt.

Un dormit dat klor warrt, worüm ik dat maakt heff, heff ik dat bi’t Schuven schreven, in de Diskusschoon schreven und hier op de Brukerdiskuschoon ok noch mol schreven. Dor schüll man doch menen, dat dat ok verstah worrn is. Un wenn nich, denn fraag doch hier eenfach na. Dorto is de Diskusschoon doch dor... --Iwoelbern 21:12, 13. Aug. 2008 (CEST)

Allens nich so schlimm. Wenn ik nu wüsst harr, dat Du di hier noch nich torecht finnst, denn harr ik ok dorop kamen müsst, worüm de Text wedder in steiht. Swamm doröver...

Mit den Nettbreef heff ik mi vör allen wunnert, worüm Du nich eerst hier op de Siet antern deist. Denn harrn wi dat ok gau besnacken künnt. Du kannst hier jeder Tiet ok Antwoort geven - dorto musst Du eenfach blots op ännern klicken. Un nafragen kannst Du natürlich ok. So en Diskusschoonssiet hett jeedeen Bruker un ok jeedeen Artikel. Op de Oort blifft de Diskusschoon denn ok in de Wikipedia, üm de dat dorbi jo geiht.

Aver eens mutt ik noch mol anmarken: In mien Sass steiht jümmers noch -en as Enn vun de Mehrtall. wobi dat bi de Eentallform Heren nu aver ok al so keen Ünnerscheed maakt... --Iwoelbern 23:06, 13. Aug. 2008 (CEST)

Ruben Ap

Moin, dor is bi dien Ännern wat verkehrt lopen in den een Satz. Kiek den noch mol an un schriev dat üm. Dor fehlt wat. In'n Ogenblick leest sik dat, as wenn de Öllern vun em ok Juni 2009 doodbleven sünd. --Iwoelbern ✍ 10:51, 21. Jun. 2009 (CEST)

sassisch.net/rhahn/

Moin, Reinhard. Diene Sieden ünner http://www.sassisch.net/rhahn/ gifft dat ja nu nich mehr; een kann de Inholden blots noch per WaybackMachine lesen (to'n Bispeel http://www.sassisch.net/rhahn/kramer/greunsnacken.htm → http://www.sassisch.net/rhahn/kramer/greunsnacken.htm (Memento von’n 4. November 2005 in dat Internet Archive)). Hest du diene Sieden amenn enerworrns in't Nett stellt? Giff mal Bescheed, dat weer super. --Johanna Web ✍ 20:47, 24. Okt 2020 (CEST)

Ik glööv, ik heff dien niege Nettadress funnen: http://lowlands-l.net/, to'n Bispeel http://lowlands-l.net/clara/greunsnacken.htm. --Johanna Web ✍ 11:04, 27. Okt 2020 (CET)

Bild

Dat Bild in R.F. Hahn is bloot up de düütsche Wiki to kriegen, denn dat Bild givt nicht bi Wikicommons. Daar mumsst du man nawiesen dat dat Bild gemeenfrie es. Du kannst dat Bild ook hier up de plattdüütsche wiki hooglade, wenn er in den Artikel staan sall. Flaverius ✍ 10:45, 13. Dez. 2023 (CET)