Bourguignon-Morvandiau

Vun Wikipedia
Wesseln na: Navigatschoon, Söök

Bourguignon-Morvandiau is an un for sik en vun de Ünnergruppen vun de Langues d'oïl, de in den Noorden vun Frankriek tohuse sünd. Fröher weer Bourguignon so wat as de Regionalspraak in all Kuntreien vun Burgund. Hüdigendags warrt dat ehrder as en burgunnschen Dialekt vun de franzöösche (Hooch-) Spraak ankeken. So, as dat utsütt, warrt Bourguignon-Morvandiau bloß noch vun en poor Lüde in Burgund snackt und ok nich mehr vun Mudders an jem ehr Kinner wiedergeven. Vunwegen dat de Dialekt hüdigendags ok bloß noch in den Morvan snackt warrt (en Gegend, de wiet af is vun de groten Städer un Straten in Burgund), warrt tomeist nich mehr vun Bourguignon, man vun Bourguignon-Morvandiau snackt. Dat gifft avers doch en poor Wöörböker oder Versöken, de olen Utdrück un Snacks tohopen to stellen un de Spraak up düsse Oort nich to vergeten.