Bibel vun 1614

Vun Wikipedia
Wesseln na: Navigatschoon, Söök
Titelblatt vun de Bibel
Ene Siet ut de Apenbarung vun Jehann

De Bibel vun 1614 is en plattdüütschen Bibeldruck vun 1614. Se is as illustreerte Folio-Utgaav bi’n Drucker Hans Stern in Lümborg rutkamen.

De Bibel is en plattdüütsch Översetten vun de Lutherbibel. Disse Bibel weer Stern sien eerst Book as Rutgever, aver na de Utgaav vun 1614 hett Stern blot noch hoochdüütsche Bibeln drucken laten, denn dat weer jüst de Tiet, as dat mit de plattdüütsche Spraak as Schriftspraak bargdal güng.

De Holtsnitt-Biller in de Bibel sünd hüüt in de Bibliotheek vun Lümborg utstellt. Vun de Bibel sünd hüüt blot noch söven Stück na.

Ene vun de nablevenen Bibeln is 1983 in en Schoolschapp in Boerne opdükert. Wohrschienlich is se as Familienbibel mit Utwannerers ut Düütschland na Texas kamen. Se liggt hüüt in en Glaskassen utstellt in de Bökeree vun Boerne.