Bergamottööl

Vun Wikipedia
Wesseln na: Navigatschoon, Söök
Bergamottööl

Bergamottööl is en Ätheersch Ööl, dat meist dor koolt Pressen ut de Schellen vun unriepe Frücht vun den Bergamott-Boom wunnen warrt. Dat Ööl warrt sunnerlich bruukt as Duftstoff in Parfüms un annere Kosmetika. Dat is en vun de wichtigsten Bestanddelen vun Eau de Cologne. Bovenhen warrt dat Ööl bruukt, um Smack in den Earl Grey-Tee to bringen. Bergamottööl is een vun en ganze Reeg vun Stoffen, de för dat Denatureren vun Alkohol bruukt weert. Bovenhen hett dat ok noch en Platz in de Aromatherapie.

Egenschoppen[ännern | Bornkood ännern]

De Farv vun dat Bergamottööl is geel-gröön. De wichtigsten Bestanddelen sünd Limoneen, Linalylacetat un Linalool. Denn is dor ok noch α- en β-Pineen, γ-Terpineen en Myrceen in.

Vunwegen den hogen Andeel vun Limoneen un Linalool kann dat Bruken vun Bergamottööl ok de Oorsaak vun en Allergie weern. Vunwegen datt de Andeel vun Furocoumarinen (sunnerlich Bergapteen) bi 5 % liggen kann, is dat Ööl fototoxisch, d.h., bi Sunnschien grippt dat de Huut an. .