Baskenland (Region)

Vun Wikipedia
Wesseln na: Navigatschoon, Söök
Wo dat Baskenland liggen deit
Arrano Beltza, Flagg, de mit Sancho III. to doon hett
Wo de Basken ehre Spraken snackt warrt,
hell - blot wenig Lüde snackt Baskisch,
dunkelblau - veel Lüde snackt Baskisch
Wie dat Baskenland indeelt is:
rosa = Autonome Region Baskenland
gröön = Autonome Region Navarra
geel = Franzöössch Baskenland
Dat Département Pyrénées-Atlantiques mit dat franzöösche Baskenland un de Provinz Béarn

Dat Baskenland (bask. Euskal Herria oder Euskadi, span. País Vasco, französ. Pays Basque) is en Landschop an de Küst vun den Atlantik an de Grenz vun de Länner Spanien un Frankriek. In Spanien höört dor de dree Provinzen vun de Autonome Gemeenschop Baskenland un de Provinz Navarra to. In Frankriek is de Westen vun dat Département Pyrénées-Atlantiques Deel vun dat Baskenland. In Politik un Sellschop hefft sik de Lüde dor over in de Plünnen, wie groot dat Baskenland nu is un wat dor nippe tohöörn deit. De Natschonalismus in Spanien, in Frankriek un in dat Baskenland kann sik dor nich over eenig weern. Sunnerlichen Striet gifft dat bi de Fraag, of Navarra to dat Baskenland tohöörn deit. In'n Süden vun düsse Provinz un ok in'n Süden vun de Provinz Alava snackt düütlich minner Lüde Baskisch, as annerwegens in de doren Gemarken (kiek bi de Kaart „Wo de Basken ehre Spraken snackt warrt“). Dat Baskenland hett sien Naam weg vun dat Volk vun de Basken. Mit egen Naam nömmt de sik „Euskaldunak“. Midderwielen snackt de ok wedder to'n groten Deel de Baskische Spraak, de vun um un bi 1980 af an in dat spaansche Baskenland wedder pleegt wurrn is (baskisch Euskara oder Euskera).