Austraalsch Scheperhund

Austraalsch Scheperhund
Australian Shepherd, black tri
FCI - Standard Nr.342
Patronat	USA
Klassifikatschoon FCI	Gruppe 1 Hödehunnen un Drievhunnen Sektion 1
Rassenaam na FCI	Australian Shepherd
Schufthööcht	Rüde 51-58cm, Teev 46-53cm
Gewicht	passlich to de Grött
List vun de Hunnenrassen

Australian Shepherd, nich kupeert, blue merle

De Austraalsch Scheperhund is een Hunnenrass ut de USA. De Hunnen wüürn Austraalsch nöömt, vördat de Schapen, wat de Hunnen hödden, ut Australien na de USA inföhrt weeren.

Herkumst

De Hunnen sünt wull een Mix van verschieden Hardershunnen. Border Collies or Berger des Pyrénées hebbt mischien deelwies desülvig Vörfohrn. 1957 würr de Australian Shepherd Club of America (ASCA) sticht en 1977 de först Standard för de Rass maakt. Södder 1990 föhrt ook de American Kennel Club (AKC) een Tuchtbook. De hett ook een egen Rassestandard entwickelt, de södder 1993 gellt. In 1996 is würr de Austraalsch Scheperhund acht van de Fédération Cynologique Internationale.

Beschrieven

De Austraalsch Scheperhund is, wat sien Grött anbelangt, middel en hett liekmatig Propertschonen. Dat Fell is halflang en een bitje wat kruus en krüllig. Up’t Hööft, de Butensied van de Ooren en de Vörderkant van de Poten is dat Fell gladd. De Pleeg van’t Fell is eenfach. De Klöörn van't Hoor wesselt. Dat geiht van blaag-schimmel (blue-merle) or rood-schimmel (red-merle) bet na eenklöörig black or bruun. Varianten sünt Kopperköör met witt Aftekningen. Üm de Oogen rüm is de Farv mehrstdeels witt. De Ogen seht uut as Amandeln en sünt middelgroot en hebbt verschälen Klöörn, van blaag bet bruun en Barnsteen. Kombinatschonen güfft dat ook. Denn sünt de Ogen plackig or marmeleert. Dat Wicht is tüschen 20 en 30 Kilogramms. De Schüfthööcht is bi de Teven van 45 bet to 53 cm, bi de Rüden van 51 bet 58 cm.

Verwennen

De Rass würr tücht, dat se de Harders bi’t Hööden van de Schapen en ook Rinner hölpt. De Hunnen sünt bannig aktiv. Se sünt gaatlich für Lüüd, de ehr Hunnen wat tolehrn woelt, vördat de Deerten ööd lehrt. De Hunnen behöövt Upgaven för’t Lief en ook för de Bregen. Dat’s good, mit jüm Sport to maken so as Agility. De Hunnen wardt oft as Söökhunnen bruukt.

Sundheed

Resultaten van een 1998 Internet-Studie över 614 Austraalsch Scheperhunnen töög, dat de Hunnen in’t Middel 12,5 Johrn levt.^[1]. Een Studie över 22 verstorven Hunnen in 2004 wees up, dat de Hunnen bloots noch 9 Johrn levt .^[2] . Faken hebbt de Hunnen Problems mit de Ogen en de Huud.

Hunnen, de in de Grött na de Australsch Scheper slacht, leevt tüschen 11 en 13 Johrn ,^[3]. Mang de Oorsaken för de Dood leddt Cancer (32 %), Kombinatschonen (18 %) en Öller (14 %).

Inkelt Nawiesen

↑ http://users.pullman.com/lostriver/breeddata.htm Dog Longevity Web Site, Breed Data page. Compiled by K. M. Cassidy. Retrieved July 8, 2007
↑ http://www.thekennelclub.org.uk/item/570 Kennel Club/British Small Animal Veterinary Association Scientific Committee. 2004. Purebred Dog Health Survey. Retrieved July 5, 2007
↑ http://users.pullman.com/lostriver/weight_and_lifespan.htm Dog Longevity Web Site, Weight and Longevity page. Compiled by K. M. Cassidy. Retrieved July 5, 2007

Weblenken

Offizielle Rassebeschreibung des Gründungsclubs ASCA der Rasse Australian Shepherd (pdf) (27 kB)

[Cassidy_Data-1] ttp://users.pullman.com/lostriver/breeddata.htm Dog Longevity Web Site, Breed Data page. Compiled by K. M. Cassidy. Retrieved July 8, 2007

[KC_Survey-2] ttp://www.thekennelclub.org.uk/item/570 Kennel Club/British Small Animal Veterinary Association Scientific Committee. 2004. Purebred Dog Health Survey. Retrieved July 5, 2007

[Cassidy_Weight-3] ttp://users.pullman.com/lostriver/weight_and_lifespan.htm Dog Longevity Web Site, Weight and Longevity page. Compiled by K. M. Cassidy. Retrieved July 5, 2007

[1]

[2]

[3]