Arkaadsch-kyprisch

Vun Wikipedia
Wesseln na: Navigatschoon, Söök
De greekschen Dialekten, dor wo de Greken üm 400 v. Chr. rüm in de Hööftsaak siedeln döen. Arkaadsch in Hellblau.

Arkaadsch-kyprisch is en Dialekt vun de ooltgreeksche Spraak. He is in Arkadien un up de Insel Zypern (Kypros) snackt wurrn. Arkaadsch-kyprisch is ut de ole Wuddel vun dat Greeksch vun Mykene wussen. In Landstreken in Arkadien un up Zypern, de wiet af weern, hett düsse Spraakform överleevt, ofschoonst de Invaschoon vun de Dorers de ole Spraak meist utrott hett. Över den Dialekt is nich just veel bekannt. Literatuur is nich nableven, bloß Inschriften hefft sik funnen. Up Zypern is dat Arkaadsch-kyprisch bit hen to dat 3. Johrhunnert v. Chr. in en egen Kyprische Schrift schreven wurrn. Womöglich weer de Dialekt in de Kolonien vun Pamphylien nich wiet af vun dat Arkaadsch-kyprische.