Archer John Porter Martin

Vun Wikipedia
Archer John Porter Martin

Archer John Porter Martin (* 1. März 1910 in London; † 28. Juli 2002 in Llangarron) weer en britisch Chemiker, de 1952 den Nobelpries för Chemie kreegen hett.

Biographie[ännern | Bornkood ännern]

1932 fung Martin en Studium an de Universität Cambridge an. Tonächst hett he sück dor mit de physikalisch Chemie befaat, later mit Nehrenswetenschapen. 1938 is he to en Textilforschenszentrum in Leeds wesselt. 1948 wurr he Liddmaat vun dat staatlich britisch Medical Research Council. Bit 1952 hett he hier de Afdeelen för physikalisch Chemie vun dat National Institut för Medizinisch Forschen leit, later weer he chemisch Berader. Siet 1959 weer he Direktor vun de privaten Abbotsbury Laboratories Ltd.

Wark[ännern | Bornkood ännern]

Martins Interesse an Biochemie wurr dör sien Perfesser in Cambridge waakt. Dor hett he sück mit dat Isoleeren vun Vitamin E un dat Utwirken vun Vitamin E-Mangel befaat. He hett dorför en wirksam Methood to de Extraktschoon un to Chromatographie entwickelt. De Verdeelens-Chromatographie hett Martin entwickelt, wiels he an dat Isoleeren vun Aminosüüren arbeiten dee. Later hett he an Vitamin B2 un en Mangel doran forscht. Neben völ anner Utteken kreeg Martin, gemeensam mit Richard Laurence Millington Synge, in dat Johr 1952 den Nobelpries för Chemie för hör Utfinnen vun de Verdeelens-Chromatographie.

Weblenken[ännern | Bornkood ännern]