Antigonos III. Doson

Vun Wikipedia
Wesseln na: Navigatschoon, Söök
Münte vun Koning Antigonos

Antigonos III. (ca. 263221 v. Chr.), mit Binaam Doson (d.h., he de (siene Herrschop) afgeven schall) weer vun 229 bit to sien Dood König vun Makedonien ut dat Huus vun de Antigoniden.

He weer de Enkelsöhn vun Demetrios I. Poliorketes un is na Demeitrios II. sienen Dood 229 König wurrn. Toeerst hett he dor vun afsehn, siene Fingers ut to recken na'n Süden vun de Thermopylen hen. Man as de Bund vun Achaia em in de Johre 227 un 226 gegen Kleomenes III. vun Sparta na Grekenland ropen harr, seeg he de Chance, den Infloot vun Makedonien in Grekenland wedder her to stellen. He erover Arkadien un grünn en Konföderatschoon vun Statenbünne unner sien Leit. 222 slöög he Kleomenes III. vun Sparta bi Sellasia un besett Sparta un stell dor dat ole Regime wedder her. Dor hett he ok dat Ansehn vun Makedonien wedder herstellt un de Grundlaag leggt for de Plaans vun sien Adoptivsöhn Philipp V., de em nafolgen dö un de hooch rut woll. He is dood bleven in'n Summer 221.